குவாண்டம் இயற்பியல் வித்தகர்

அறிவியல் உங்கள் விருப்பப்பாடமா? இங்கே விடுகதைபோல கொடுக்கப்படும் குறிப்புகள் எந்த விஞ்ஞானியை குறிக்கிறது என்று உங்களால் கண்டுபிடிக்க முடியுமா? அவரைப் பற்றிய முக்கிய குறிப்புகளை அறிவீர்களா?

விஞ்ஞானி விடுகதை

நான் நோபல் பரிசு பெற்ற விஞ்ஞானிகளில் ஒருவன்.

எனது தாய்நாடு அமெரிக்கா.

குவாண்டம் எலக்ட்ரோடைனமிக்ஸ் கண்டுபிடிப்புக்காக நான் நோபல் பரிசு பெற்றேன்.

அணுகுண்டு வெடிப்பின் மதிப்பை அளவிடும் சூத்திரத்தை வடிவமைத்தேன்.

நானோ தொழில்நுட்பத்திற்கும் அடிகோலிய பெருமைக்குரியவனாக கருதப்படுகிறேன்.

எனது கற்பித்தல் முறை என் பெயரால் சிறப்பித்து அழைக்கப்படுகிறது.

நான் யார் கண்டுபிடித்துவிட்டீர்களா?

விடை

நான்தான் ரிச்சர்டு பெய்ன்மேன்.

வாழ்க்கை குறிப்புகள்:

ரிச்சர்டு பெய்ன்மேன், 1918-ம் ஆண்டு மே 11-ந்தேதி அமெரிக்காவின் நியூயார்க் நகரில் பிறந்தார்.

இளமைக் காலத்தில் கணிதத்தில் நாட்டம் கொண்டவராக இருந்தார். கணிதத்தில் தேர்ந்தவராகவும் விளங்கினார். 1939-ம் ஆண்டு எம்.ஐ.டி. கல்லூரியில் இளநிலை அறிவியல் பட்டம் பெற்றார். 1942-ல் குவாண்டம் மெக்கானிக்ஸ் துறையில் முனைவர் பட்டம் பெற்றார்.

பிரின்ஸ்டன் கல்லூரியில் ஆராய்ச்சிப் பட்டம் பெற்ற பின்பு, அங்கே வேலைவாய்ப்பும் பெற்று இரண்டாம் உலகப்போர் சமயத்தில் அணுகுண்டு திட்டத்தில் முக்கியப் பங்காற்றினார்.

அணுகுண்டு வெடிப்பின் தன்மையை அளவிடும் சூத்திரத்தை ஹான்ஸ் பாத் என்பவருடன் இணைந்து உருவாக்கினார்.

கார்னெல் பல்கலைக்கழகத்தில் 1945 முதல் 1950 வரை இயற்பியல் பேராசிரியராக பணியாற்றினார். அதன்பிறகு 1959 வரை கலிபோர்னியா தொழில்நுட்ப மையத்தில் தியரிடிகல் பிசிக்ஸ் பேராசிரியராக பணியாற்றினார்.

அவர் குவாண்டம் கம்ப்யூட்டிங் துறையின் முன்னோடியாகவும், நானோ தொழில்நுட்பத்தின் முன்னோடியாகவும் கருதப்படுகிறார்.

குவாண்டம் எலக்ட்ரோடைனமிக்ஸ் கண்டுபிடிப்புக்காக 1965-ல் நோபல் பரிசுக்கு தேர்வு செய்யப்பட்டார். 2 சக விஞ்ஞானிகளுடன் நோபல் பரிசை பகிர்ந்து கொண்டார்.

மிகச்சிக்கலான விஞ்ஞான கொள்கைகளில் ஒன்று குவாண்டம் அறிவியல். அதை மிக எளிமையாக விளக்கிய பெருமைக்குரியவர் ரிச்சர்டு பெய்ன்மேன். அவர் தனது கருத்துகளை 4 படிகளில் விளக்குகிறார்.

முதல்படி

முதலில் நீங்கள் கற்றுக்கொள்ள அல்லது கற்பிக்க விரும்பும் கருத்தின் தலைப்பு பற்றியும், அதைப்பற்றி நீங்கள் அறிந்த விஷயங்கள் அனைத்தையும் அதன் கீழே எழுதுங்கள்.

படி 2

ஒரு புதிய மாணவருக்கு கற்றுக்கொடுப்பது அல்லது வகுப்பு எடுப்பதுபோல பாசாங்கு செய்து அதை விளக்குங்கள். உங்கள் கருத்தை எளிய சொற்களால் விளக்குங்கள். உங்கள் சொந்த வார்த்தையில் சரியாக விளக்க முடியாத பகுதிகளை குறித்துக் கொள்ளுங்கள்.

படி 3

விளக்க முடியாத பகுதி, நாமும் சரியாக அறிந்துகொள்ளாத பகுதி என்பதை புரிந்து கொண்டு, அந்த இடைவெளியை நிரப்பும் புரிதலை வளர்க்க வேண்டும். அதற்கான தகவல்களை, ஆதாரங்களை திரட்டி சேகரித்து படித்து புரிந்து கொள்ள வேண்டும். இப்போது இரண்டாவது படியை எளிதாக தடையின்றி விளக்கிச் சொல்ல முடிகிறதா? என்று மீண்டும் சோதனை செய்து பார்க்க வேண்டும்.

படி 4

இப்போது உங்கள் கருத்தை இன்னும் எளிமைப்படுத்த முடியுமா? என்று யோசிக்க வேண்டும். விளக்கப்படங்களை கொடுத்து புரிதலை அதிகமாக்க முடியுமா? என்று முயற்சிக்க வேண்டும். அப்படிச் செய்தால் எந்த ஒரு கருத்தும் ஏற்கும்படியான நிலையை அடைந்துவிடும்.

இந்த கற்பித்தல் நுட்பமானது பெய்ன்மேன் நுட்பம் என்று போற்றப்படுகிறது. இதுவே ஆசிரியர், கண்டுபிடிப்பாளர், மாணவர் என எல்லோருக்கும் ஒரு புதிய கருத்தை புரிந்து கொள்ளவும், மற்றவருக்கு விளங்கச் செய்யவும் உதவும் அடிப்படை வழியென்றும் ஏற்கப்பட்டிருக்கிறது.

பெய்ன்ேமன், சிக்கலான குவாண்டம் இயற்பியல் பாடங்களையும் இவ்விதத்தில் மாணவர்களுக்கு எளிதில் புரியும்படி கற்பித்தார். அவரது கற்பித்தல் முறை உலகப்புகழ்பெற்றது. அது புத்தகமாக வெளிவந்திருக்கிறது.

“Surely You're Joking, Mr. Feynman” என்ற பெயரில் அவர் தனது சுயசரிதையை வெளியிட்டார். அறிவியல் துறையில் அவரது பங்களிப்புக்காக நோபல் பரிசு மட்டுமல்லாது ஆல்பர்ட் ஐன்ஸ்டீன் விருது, லாரன்ஸ் விருது ஆகியவற்றையும் பெற்றுள்ளார். 1988-ம் ஆண்டு பிப்ரவரி 15-ந ்தேதி அவர் மரணம் அடைந்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக சீர்திருத்தவாதிகள்

தமிழகத்தில் ஏராளமான சீர்திருத்தவாதிகள் தோன்றி சமூகம் மற்றும் அரசியல் மாற்றங்களை உருவாக்கினார்கள். அவர்களில் ராமலிங்க அடிகளார், ஸ்ரீவைகுண்ட சுவாமிகள் மற்றும் பெரியார் ஆகியோர் குறிப்பிடத்தக்க சமூக சீர்திருத்தவாதிகளாவர்.

ராமலிங்க அடிகளார்

ராமலிங்க அடிகளார், 1823-ம் ஆண்டு பிறந்தார். ஆன்மிக ஈடுபாடு கொண்ட அவர், கடலூர் அருகே வடலூரில் தனது இருப்பிடத்தை அமைத்து சமய கருத்துக்களை பரப்பினார். இவர் ‘சமரச சுத்த சன்மார்க்க சங்கம்’ என்ற அமைப்பை 1865-ல் ஏற்படுத்தினார்.

கடவுளை ஜோதி வடிவில் வழிபடலாம் என்றும், மற்ற உயிரினங்களிடமும் ஜீவகாருண்யம் காட்ட வேண்டும் என்பதையும் மக்களுக்குப் போதித்தார். வடலூர் அருகே மேட்டுக்குப்பத்தில் 1872-ல் சத்திய ஞானசபையை நிறுவினார். அவரை மக்கள், வள்ளலார் என்று சிறப்பித்து அழைத்தனர்.

வள்ளலார் இயற்றிய குறிப்பிடத்தக்க நூல் திருவருட்பா. மனுமுறை கண்ட வாசகம், ஜீவகாருண்யம் ஆகியவையும் இவரது பிற படைப்புகளாகும்.

வைகுண்ட சுவாமிகள்

கன்னியாகுமரி மாவட்டத்தில் உள்ள சாமித்தோப்பில் 1809-ல் பிறந்தார். முடிசூடும் பெருமாள் என்ற இயற்பெயரைக் கொண்ட அவரை, முத்துக்குட்டி என்று அழைத்தனர்.

சாதி முறை மற்றும் தீண்டாமை கொடுமைகளுக்கு எதிராக போராடினார். சமூக மாற்றத்திற்கு அடிகோலினார். அவரது போதனைகள் ‘அய்யா வழி’ எனும் பெயரில் சமய வழியாக பின்பற்றப்படுகிறது. கன்னியாகுமரி, திருநெல்வேலி பகுதிகளில் இவரது வழிபாட்டு முறைகள் பரவி உள்ளது. அகிலத்திட்டு அம்மானை, அருள்நூல் ஆகியவை வைகுண்டர் அருளிய நூல்களாகும்.

பெரியார்

சமீபகாலத்தில் தோன்றிய குறிப்பிடத்தக்க சமூக சீர்த்திருத்தவாதி ஈ.ெவ.ராமசாமி எனும் பெரியார். சுதந்திரப் போராட்டத்தில் காந்தியடிகளின் கொள்கைகளை பரப்பும் முக்கிய செயல்பாட்டாளராக தமிழகத்தில் விளங்கினார். 1921-ல் கள்ளுக்கடை மறியலுக்காக தனது தென்னந்தோப்பில் 500க்கும் மேற்பட்ட தென்னைகளை வெட்டி வீழ்த்தினார்.

1924-ல் கேரளாவில் வைக்கம் என்ற இடத்தில் தாழ்த்தப்பட்டவர்களுக்கு ஆதரவாக போராடி அவர்களுக்கான உரிமையை நிலைநாட்டி ‘வைக்கம் வீரர்’ என போற்றப்பட்டார்.

வருணாசிரம முறையை எதிர்த்த அவர், 1925-ல் சுயமரியாதை இயக்கத்தை தொடங்கினார். பிராமணர் அல்லாதார் முன்னேற்றத்திற்காக பாடுபட்ட இந்த இயக்கம், இந்து சமயம் மக்களின் வாழ்வில் ஏற்படுத்தியிருந்த கட்டுப்பாடுகளை தகர்ப்பதற்காக போராடுவதை முக்கிய கொள்கையாக கொண்டிருந்தது. பல சடங்கு முறைகளை எதிர்த்தார்.

தனது கருத்துக்களை குடியரசு, புரட்சி, விடுதலை போன்ற ஏடுகளைத் தொடங்கி எழுதினார். பெண்கள் உரிமைக்காக போராடிய அவரது அரும்பணிகளை பாராட்டி தமிழ்நாடு பெண்கள் மாநாட்டில் அவருக்கு பெரியார் பட்டம் (1938-ல்) வழங்கப்பட்டது. அவரது சமூக சீர்திருத்த கருத்துகளுக்காக யுனெஸ்கோ நிறுவனம் பெரியாரை ‘தெற்கு ஆசியாவின் சாக்ரட்டீஸ்’ என்று பாராட்டியது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பார்வையற்றோரின் உலகை மாற்றியவர்

உலக பார்வையற்றோர் தினம் அல்லது பிரெய்லி தினம் நாளை (ஜனவரி 4-ந்தேதி) கடைப்பிடிக்கப் படுகிறது. பார்வையற்றவர்களும் தகவல் தொடர்பு கொள்ள வசதியாக அவர்களுக்கான எழுத்து முறையை உருவாக்கியவர் லூயிஸ் பிரெய்லி.

லூயிஸ் பிரெய்லி 1809-ம் ஆண்டு ஜனவரி 4-ந் தேதி பிரான்சில் பிறந்தார். பார்வையற்றவர்களின் வாழ்வில் முக்கிய திருப்புமுனையாக அமைந்த அவரது எழுத்து முறையே அவரது பிறந்த தினத்தை உலக பார்வையற்றோர் தினமாக கொண்டாடப்பட முக்கிய காரணமாகும்.


பிரெய்லி, 6 புள்ளிகளை விரல் நுனியில் தொட்டு அறிந்து எழுத்துகளை புரிந்து கொள்ளும் முறையில் பார்வையற்றவர்களுக்கான எழுத்து முறையை உருவாக்கினார். அப்போது அவருக்கு 15 வயதுதான். இது அதற்கு முன்பிருந்த பார்வையற்றோருக்கான அனைத்து எழுத்து முறைகளையும்விட எளிதாகவும், சிறப்பாகவும் தகவல் பரிமாற்றத்திற்கு உதவியதால் பிரெய்லி எழுத்து முறை உலகப் புகழ்பெற்றதாக மாறியது.

பிரெய்லி எழுத்துமுறை எந்த மொழிக்கும் சொந்தமில்லை. ஆனால் உலகின் பெரும்பான்மை மொழிகளில் அந்த குறியீடுகள் மொழிபெயர்க்கப்பட்டு உள்ளன.

பிரெய்லி குறியீட்டு முறை ஆங்கிலத்தில், அந்தந்த நாட்டு வழக்கத்திற்கேற்ப சில வித்தியாசங்களுடன் பயன்படுத்தப்பட்டன. உதாரணமாக அமெரிக்க ஆங்கில வழக்கத்திற்கும், பிறநாட்டில் உள்ள ஆங்கில பயன்பாட்டிற்கும் வித்தியாசம் இருந்தது. இந்த வேற்றுமை களையப்பட்டு கடந்த 2016-ம் ஆண்டு உலகம் முழுமைக்கும் ஒருங்கிணைந்த ஆங்கில பிரெய்லி குறியீட்டு வழக்கம் ஏற்கப்பட்டது. அமெரிக்காவும், அதுவரை வழக்கத்தில் இருந்த அமெரிக்க பிரெய்லி எடிசனை மாற்றி ஒருங்கிணைந்த யு.இ.பி. (Unified English Braille-UEB). குறியீட்டை ஏற்றது.

உலக பிரெய்லி யூனியன் அமைப்பு, உலக அறிவுசார் சொத்துடைமை அமைப்புடன் இணைந்து செயல்படுகிறது.

பிரெய்லி என்பது ஒரு மொழியல்ல. அது பேசு மொழியாக இல்லை. பார்வையற்றவர்களுக்கான எழுத்து குறியீடு மொழியாக மட்டுமே உள்ளது. சைகை குறியீடு போலவே இதுவும் குறியீடாகவே ஏற்கப்படுகிறது.

பிரெய்லி மொழியில் 2 கிரேடு நிலைகள் உள்ளன. கிரேடு-1-ல் சுருக்கநிலைகள் எதுவுமில்லை. கிரேடு-2 நிலையில் எழுதும்போது இடத்தை குறைப்பதற்காக சுருக்க முறை பயன்படுத்தப்படுகிறது. இதேபோல இசைக்குறியீடுகளை குறிப்பிடும் பிரெய்லி மியூசிக் என்ற குறியீட்டு மொழி உள்ளது.

ஏ.டி.எம்.களில் பணம் எடுப்பது நமக்கு சாதாரணமான விஷயம். ஆனால் பார்வையற்றவர்களால் மற்றவர் உதவியின்றி ஏ.டி.எம். எந்திரத்தில் பணம் எடுக்க முடியுமா? என்றால் அதற்கும் சிறப்பு பிரெய்லி முறை உள்ளது. இதற்காக அவர்கள் சிறப்பு கண்ணாடியை அணிந்து கொள்ள வேண்டும். இது அவர் களுக்கு அச்சு எண்கள், எழுத்துகளை உயர்த்தி காண்பிக்கும் வகையில் செயல்படும்.

ரெயில்கள், விமானங்கள் மற்றும் பெரிய கட்டிடங்கள், தங்கும் விடுதிகள், வணிக நிறுவனங்கள், பள்ளிகள் போன்ற இடங்களில் பிரெய்லி குறியீடுகளை பார்க்கலாம். பல்வேறு நாடுகளில் உணவு விடுதிகளிலும், பொருட்களின் லேபிள்களிலும், ஓட்டு எந்திரங்களிலும் கண்டிப்பாக பிரெய்லி எழுத்துகள் இடம் பெற வேண்டும் என்ற விதிகள் உள்ளன.

பிரெய்லி எழுத்துகளை அச்சிட நிறைய இடம் தேவைப்படும். ஏனெனில் பிரெய்லி குறியீடுகள், மற்ற மொழி எழுத்துகளைவிட அதிக இடத்தை அடைப்பதாக இருக்கும், மேலும் குறித்த இடை வெளியும் அவசியமாகும். எனவே பிரெய்லி புத்தகங்களை அச்சிடுவது அதிக செலவு வைப்பதாக அமையும்.

பிரெய்லி எழுத்து முறையை பார்வை உடையவர்களும் கற்றுக்கொண்டு அதன் பயன்பாட்டை, சிறப்பை உணரலாம். அதுபற்றிய விழிப் புணர்வை அதிகரிக்கலாம். அதுவே பிரெய்லி தினத்தை முழுமைப்படுத்தும் செயலாகும்!

விரிவாக படிக்க இங்கே கிளிக் செய்யுங்கள் | READ MORE | CLICK HERE

இஸ்ரோ அறிவியலாளர்கள்

மயில்சாமி அண்ணாதுரை: கோவை மாவட்டம் கோதாவாடி கிராமத்தில் பிறந்தவர் மயில்சாமி அண்ணாதுரை. தமிழ்வழியில் பள்ளிக் கல்வி பயின்று, பொறியியலில் முதுநிலைப் பட்டமும் பல்வேறு முனைவர் பட்ட ஆய்வுகளும் மேற்கொண்டவர். இஸ்ரோவில் அறிவியல் ஆய்வாளராக இவருடைய பணி தொடங்கியது. ‘இன்சாட்’ திட்டங்களின் மேலாளர், ‘சந்திரயான்-1’, ‘மங்கள்யான்’ விண்கலங்களுக்கான திட்ட இயக்குநர் எனப் பல்வேறு முக்கியப் பொறுப்புகளை வகித்திருக்கிறார். 2018 ஜூலை வரை பணியாற்றியவர், இஸ்ரோவின் இயக்குநராக ஓய்வுபெற்றார்.

ந.வளர்மதி: அரியலூரில் பிறந்து தமிழ்வழியில் பள்ளிப் படிப்பைப் பயின்ற வளர்மதி, பொறியியலில் முதுநிலைப் பட்டம் முடித்து, 1984இல் இஸ்ரோ பணியில் சேர்ந்தார். 2011ஆம் ஆண்டில் ‘ஜிசாட்’ 12 பணியின் திட்ட இயக்குநர் உட்படப் பல்வேறு பொறுப்புகளை வகித்துள்ளார். 2015இல் அப்துல் கலாம் நினைவாகத் தமிழக அரசு வழங்கத் தொடங்கிய விருதைப் பெற்றார்.

அருணன்: திருநெல்வேலியில் பிறந்த அருணன் விக்கிரமசிங்கபுரத்தில் பள்ளிப்படிப்பை நிறைவுசெய்தார். கோவை தொழில்நுட்ப நிறுவனத்தில் இயந்திரப் பொறியியல் முடித்து, திருவனந்தபுரம் விக்ரம் சாராபாய் விண்வெளி நிலையத்தில் 1984இல் சேர்ந்தார். வெற்றிகரமான ‘மங்கள்யான்’ திட்டத்தின் திட்ட இயக்குநராகவும் பணியாற்றியுள்ளார்.

நம்பி நாராயணன்: நாகர்கோவிலில் பிறந்த நம்பி நாராயணன், மதுரை தியாகராஜர் பொறியியல் கல்லூரியில் இயந்திரவியலில் பொறியியல் முடித்தார். இஸ்ரோ அறிவியலாளராகப் பல்வேறு பொறுப்புகளை வகித்தவர், கிரையோஜெனிக் இன்ஜினுக்கான திரவ எரிபொருள் நுட்பத்தை இந்தியாவில் உருவாக்கினார். ஆனால், அதை பாகிஸ்தானுக்கு விற்க முயன்றதாகக் கைதானார். நீண்ட போராட்டத்துக்குப் பின்னர் சி.பி.ஐ. விசாரித்த வழக்கில் உச்ச நீதிமன்றத்தால் குற்றமற்றவர் என விடுவிக்கப்பட்டார்.

ஆ.சிவதாணுப் பிள்ளை: நாகர்கோவிலில் பிறந்தவர். சென்னைப் பல்கலைக்கழகத்தில் பொறியியலும் ஹார்வார்டு வணிகப் பள்ளியில் மேற்படிப்பும் பயின்று, புனே சாவித்திரிபாய் பூலே பல்கலைக்கழகத்தில் முனைவர் பட்டம் முடித்தார். இவருடைய 40 ஆண்டு பணி அனுபவம் இஸ்ரோ மட்டுமன்றி டி.ஆர்.டி.ஓ., பிரம்மோஸ் ஏரோஸ்பேஸ் என நீள்கிறது. விக்ரம் சாராபாய், சதீஷ் தவான், அப்துல்கலாம் என விண்வெளி ஆய்வின் தலைமகன்களுடன் இணைந்து பணியாற்றி உள்ளார்.

விக்ரம் சாராபாய்: அகமதாபாத்தில் பிறந்து கேம்பிரிட்ஜ் பல்கலைக்கழகத்தில் முனைவர் பட்டம் பெற்ற விக்ரம் சாராபாய், ‘இந்திய விண்வெளித் திட்டத்தின் தந்தை’.சுதந்திர இந்தியாவின் விண்வெளி ஆராய்ச்சிகளை ஒருங்கிணைத்து இஸ்ரோவின் தாய் நிறுவனத்தை நிறுவியவர். இவருடைய மறைவுக்குப் பின்னர் விண்ணுக்கு ஏவப்பட்ட நாட்டின் முதல் செயற்கைக்கோளான ஆர்யபட்டாவை வடிவமைத்ததில், இவருடைய பங்கு முக்கியமானது.

சதீஷ் தவான்: நகரில் பிறந்து இந்தியாவிலும் வெளிநாடுகளிலும் உயர்கல்வி பயின்றவர். விக்ரம் சாராபாயைத் தொடர்ந்து இஸ்ரோ அமைப்பை கட்டமைத்ததில் முக்கியப் பங்குவகித்தார். 1972இல் இஸ்ரோ தலைவராகவும் பொறுப்பேற்று, செயற்கைக்கோள் திட்டமிடலில் கல்வி, தொலைத்தொடர்புக்கு முக்கியத்துவம் தந்தார். அவருடைய மறைவுக்குப் பின்னர் ஹரிகோட்டா செயற்கைக்கோள் ஏவும் மையத்துக்கு அவருடைய பெயர் சூட்டப்பட்டது.

கி.கஸ்தூரி ரங்கன்: திருநெல்வேலி மாவட்டத்தைப் பூர்விகமாகக் கொண்ட கஸ்தூரி ரங்கன், கேரளத்தின் எர்ணாகுளத்தில் பிறந்து, பள்ளிக் கல்வியை முடித்தார். மும்பைப் பல்கலைக்கழகத்தில் இயற்பியலில் முதுகலைப் பட்டமும் குஜராத் பல்கலைக்கழகத்தில் வானியலில் முனைவர் பட்டமும் பெற்றார். இஸ்ரோவில் இன்சாட், ஐ.ஆர்.எஸ்., பாஸ்கரா எனப் பல வரிசை செயற்கைக்கோள்கள், பி.எஸ்.எல்.வி ஏவூர்திகள் பலவற்றில் முக்கியப் பங்காற்றியிருக்கிறார். இஸ்ரோ தலைவராகப் பத்தாண்டுகள் பணியாற்றியுள்ளார்.

முத்தையா வனிதா: சென்னையை சேர்ந்த முத்தையா வனிதா, கிண்டி பொறியியல் கல்லூரியில் பயின்று இளநிலைப் பொறியாளராக இஸ்ரோவில் சேர்ந்தார். முப்பதாண்டுகளுக்கும் மேலாகப் பணிபுரிந்துவரும் வனிதா, சந்திரயான்-2 திட்ட இயக்குநராக பணியாற்றியதன் மூலம், இஸ்ரோவின் முதல் பெண் திட்ட இயக்குநர் - கோள்களுக்கு இடையிலான திட்டப் பணிகளை முன்னெடுத்த முதல் பெண் ஆகிய சிறப்புகளுக்கு உரியவரானார். முன்னதாக இஸ்ரோ செயற்கைக்கோள் மையத்தின் பல்வேறு நிர்வாகப் பொறுப்புகளை வகித்துள்ள வனிதா, மங்கள்யான் திட்டத்திலும் பங்காற்றியுள்ளார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

மந்த வாயு

வில்லியம் ராம்சே.

வாழ்க்கை குறிப்புகள்

வில்லியம் ராம்சே ஸ்காட்லாந்து நாட்டின் கிளாஸ்கோவில் (1852, அக்டோபர் 2-ல்) பிறந்தார். ஜெர்மனியில் மேற்கல்வி படித்தார். ஆர்த்தோடோலுயிக் அமிலம் பற்றி ஆராய்ச்சி செய்து டபின்ஜென் பல்கலைக்கழகத்தில் முனைவர் பட்டம் பெற்றார்.

1872-ல் முனைவர்படிப்பை முடித்து தாயகம் திரும்பினார். ஆண்டர்சன் கல்லூரியில் வேதியியல் உதவியாளராக பணிக்குச் சேர்ந்தார்.

1880-ல் பிரிஸ்டோல் யுனிவர்சிட்டி கல்லூரியில் வேதியியல் பேராசிரியராக சேர்ந்து முதல்வராகவும் உயர்ந்தார்.

1887-ல் ஓய்வு பெற்றார். 1913-ல், லண்டன் யுனிவர்சிட்டி கல்லூரியில் சிறப்பு பேராசிரியராக பொறுப்பேற்றார்.

1880-ல் இருந்து அவர் தனது திறனை கரிம வேதியியல் துறையில் இருந்து உடல் வேதியியல் பிரிவுக்கு மாற்றினார்.

ராம்சே குயினைன் அல்கலாய்டுகளின் சிதைவு பொருட்கள் பற்றி ஆராய்ச்சி கட்டுரை எழுதி உள்ளார்.

1886-89 ஆண்டு காலத்தில் சிட்னி யங் என்பவருடன் இணைந்து ஆவியாதல் மற்றும் பிரிதல் பற்றிய ஆய்வு களை நடத்தினார்.

இதற்கிடையே நைட்ரஜனின் ஆக்சைடுகள் மற்றும் உன்னத வாயுக்கலவை பற்றிய கண்டுபிடிப்புகளையும் வெளியிட்டார்.

ஹீலியம், நியான், ஆர்கான், கிரிப்டான், செனான் மற்றும் ரேடான் ஆகியவையே உன்னத வாயுக்கள் (நோபல்கேஸஸ்) எனப்படுகிறது. இவை நிறமற்றவை, மணமற்றவை, வளிமண்டலத்தில் காணப்படுபவை. இவை எளிதில் மற்றவற்றுடன் வினைபடுவதில்லை என்பதால் இவை சிறப்பு வாயுக்கள் எனப்படுகிறது. இவற்றை மந்த வாயுக்கள் என்றும் அழைப்பார்கள்.

ராம்சேவின் இந்த கண்டுபிடிப்பு வேதியியல் துறையில் அட்டவணைப்படுத்தப்படாமல் விடுபட்ட சில தனிமங்களை கண்டுபிடிக்க முக்கிய பங்கு வகித்தது. இதன் தொடர்ச்சியாக அவர் 1903-ல் ரேடியத்தில் இருந்து ஹீலியம் வெளிப்படுவதை கண்டுபிடித்தார். அவர் தனது கண்டுபிடிப்புகளுக்காக பல விருதுகள் பெற்றுள்ளார். மந்த வாயுக்களை பற்றிய கண்டுபிடிப்புக்காக அவர் 1904-ல் நோபல் பரிசும் பெற்றார். அவர் தனது நோபல் பரிசை லால் லாய்லெய்க் உடன் பகிர்ந்து கொண்டார்.

1916-ல் மூக்கு புற்றுநோயால் ஜூலை 23-ந்தேதி இறந்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

வரலாற்று டைரி

உலக வரலாற்றில் ஜனவரி 13 முதல் ஜனவரி 19 வரை நடந்த முக்கிய நிகழ்வுகளின் தொகுப்பு இது...

ஜனவரி 13 மிக்கி மவுஸ் உதயம்

உலகப் புகழ் பெற்ற ‘த டைம்ஸ்’ பத்திரிகை லண்டனில் 1785-ல் வெளியாகத் தொடங்கியது. ஜான் வால்ட்டர் இதை வெளியிட்டார்.

1943-ல் ஹிட்லர் முழுமையான போரை அறிவித்தார். இரண்டாம் உலகப்போர் உச்சகட்டத்தை எட்டியது.

2000-ல் மைக்ரோசாப்ட் தலைவர் ‘பில் கேட்ஸ்’ தலைமை நிர்வாகி பதவியில் இருந்து விலகி ஸ்டீவ் பால்மரை நிறுவனத்தின் தலைவர் பதவிக்கு உயர்த்தினார்.

1942-ல் ஹென்றி போர்டு, காரின் பாகங்களை பிளாஸ்டிக்கால் உருவாக்கி காப்புரிமம் பெற்றார். இது மற்ற கார்களைவிட 30 சதவீதம் எடை குறைவாக இருந்தது.

தைவானின் முதல் குடியரசு தலைவராக லீ டெக் ஹூய் 1988-ல் பொறுப்பேற்றார்.

1910-ல் முதல் பொது ரேடியோ ஒலிபரப்பு தொடங்கியது.

1930-ல் முதல் மிக்கிமவுஸ் காமிக் கதை வெளியானது.

ஜனவரி 14 முதல் சிசேரியன் சிகிச்சை

1526-ல், மாட்ரிட் ஒப்பந்தம் கையெழுத்தானது. மன்னர் 5-ம் சார்லஸ் மற்றும் முதலாம் பிரான்சிஸ் இடையே இந்த ஒப்பந்தம் ஏற்பட்டது.

1641-ல் ஒருங்கிணைந்த கிழக்கிந்திய கம்பெனி, மலாக்காவை கைப்பற்றியது. இதற்கான சண்டையில் 7 ஆயிரம் பேர் கொல்லப்பட்டனர்.

1724-ல் ஸ்பெயின் அரசர் 5-ம் பிலிப், தனது பதவியை துறந்தார்.

1761-ல் மூன்றாம் பானிபட் போர் மூண்டது. ஆப்கானி துர்ரானி படைகள், மராத்திய படைகளை வீழ்த்தியது. போரில் 70 ஆயிரம் பேர் மாண்டனர். பின்னர் 40 ஆயிரம் மராத்திய பணய கைதிகள் அழிக்கப்பட்டனர்.

1784-ல், அமெரிக்க புரட்சிப்போர் பாரீஸ் ஒப்பந்தத்தால் முடிவுக்கு வந்தது.

டாக்டர் ஜெஸ்ஸி பென்னட் அமெரிக்காவில் தனது மனைவிக்கு முதன் முதலாக சிசேரியன் செய்து மகப்பேறு மருத்துவ சிகிச்சையளித்தார். 1794-ஜனவரி 14-ல் இந்த நிகழ்வு நடந்தது.

1943-ல் இரண்டாம் உலகப்போர் சமயத்தில் அமெரிக்க அதிபர் ரூஸ்வெல்ட், விமானத்தில் வந்து இங்கிலாந்து பிரதமர் வின்ஸ்டன் சர்ச்சிலை சந்தித்து ஆலோசித்தார். விமானத்தில் பறந்த முதல் அமெரிக்க அதிபர் என்ற வரலாறு படைத்தார்.

ஜனவரி 15 விக்கிபீடியா உதயம்

1535-ல் எட்டாம் ஹென்றி, இங்கிலாந்தில் தன்னை தேவாலயத்தின் தந்தையாக அறிவித்துக் கொண்டார்.

1559-ல் முதலாம் எலிசபெத் இங்கிலாந்தின் ராணியாக முடிசூடினார்.

2001-ல் ஜிம்மிவேல்ஸ் மற்றும் லாரில் சாங்கர் ஆகியோர் இணைந்து இணைய தகவல் களஞ்சியமான விக்கிபீடியாவை உருவாக்கினார்கள்.

1892-ல் கூடைப்பந்தாட்டத்துக்கான ஜேம்ஸ் நைஸ்மித்தின் முறைப்படுத்தப்பட்ட விதிகள் ‘டிரையாங்கிள் மேகஸின்’ இதழில் வெளியானது.

அமெரிக்க ராணுவ அலுவலகமான பென்டகன் கட்டிடம் 1943-ல் முழுமை பெற்றது. இது உலகின் மிகப்பெரிய அலுவலக கட்டிடம் என்ற சிறப்பையும் பெற்றது.

ஜனவரி 16 ஐ.நா. முதல் கூட்டம்

கி.மு.27-ல், ரோமானிய செனட் சபை, ஜூலியஸ் சீசருக்கு, அகஸ்டஸ் என்ற கவுரவபட்டத்தை வழங்கியது.

1547-ல், நான்காம் இவான் 17 வயதில், மாஸ்கோவின் அரசராக தன்னைத்தானே அறிவித்துக் கொண்டார்.

2006-ல் எல்லன் ஜான்சன் சர்லீப் லைபீரியாவின் முதல் பெண் ஜனாதிபதியாக பதவியேற்றார்.

ஜனவரி 17

1773-ல் கேப்டன் ஜேம்ஸ் குக் முதன் முதலாக அண்டார்டிக் வளையத்தை கடந்தார்.

1912-ல் பிரபல ஆய்வாளர் ராபர்ட் ஸ்காட் தென் துருவத்தில் ஆய்வுகளைத் தொடர்ந்தார்.

1946-ல், ஐ.நா. சபை பாதுகாப்பு கவுன்சிலின் முதல் கூட்டம் நடந்தது.

1991-ல் வளைகுடா போரின்போது அமெரிக்கா ‘ஆபரேசன் டெசர்ட் ஸ்டோம்’ தாக்குதலை தொடங்குகிறது.

அமெரிக்கா 1917-ல் டென்மார்க்கிடம் 25 மில்லியன் டாலர் தொகைக்கு விர்ஜின் தீவை வாங்கியது.

1920-ல், அமெரிக்காவில் 18-வது சட்டதிருத்தத்தின்படி முதன் முதலாக மதுவிலக்கு அமலுக்கு வந்தது.

அதிக வெற்றிகளை குவித்த குத்துச்சண்டை வீரர் முகம்மது அலி 1942-ல் பிறந்தார்.

ஜனவரி 18

இங்கிலாந்தில் 1886-ல் ஆக்கி கழகம் உருவாக்கப்பட்டது. இது ஆக்கிப்போட்டி நவீன வடிவம் பெற காரணமானது.

1778-ல் ஜேம்ஸ் குக் ஹவாய் தீவுகளை கண்டுபிடித்தார். அதற்கு அவர் சாண்ட்விச் தீவு என்று பெயரிட்டார்.

1644-ல் வழிப்போக்கர்கள் அமெரிக்காவின் பாஸ்டன் நகரில் முதன்முதலாக வேற்றுக்கிரக பறக்கும் தட்டை பார்த்ததாக பதிவு செய்துள்ளனர்.

ஜனவரி 19 பொது மின்விளக்கு திட்டம்

கி.பி. 379-ல் கிழக்கு ரோமானிய பேரரசின் இணை பேரரசராக தியோடோசியஸ் நியமிக்கப்பட்டார்.

தாமஸ் ஆல்வா எடிசன் கண்டுபிடித்த மின்சார விளக்கு, முதன் முதலாக நியூஜெர்சி மாகாணத்தின் ரோஸ்ல்லி என்ற இடத்தில் மின்விளக்கு திட்டமாக 1883-ல் செயல்படுத்தப்பட்டது.

1966-ல், இந்தியாவின் 4-வது பிரதமராக இந்திரா காந்தி தேர்வு செய்யப்பட்டார்.

2013-ல் செவ்வாயில் கால்சியம் படிவுகள் இருப்பதை நாசாவின் கியூரியாசிட்டி விண்கலம் கண்டுபிடித்தது.

நீராவி என்ஜினை கண்டுபிடித்த ஜேம்ஸ்வாட் 1736-ல் பிறந்தார்.

1977-ல், இந்தியாவில் நடந்த கும்பமேளாவில் 1.5 கோடி பேர் திரண்டனர். இது உலகின் மிகப்பெரிய மக்கள் திரளாக புதிய சாதனை படைத்தது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பொது அறிவு | வினா வங்கி,

1.அறிவியல் மற்றும் தொழில்நுட்ப துறை சாதனையாளர்களை ஊக்குவிக்கும் மத்திய அரசுத் திட்டம் எது?

2.ரெயில்வே தொடர்பு உதவி எண்ணாக அறிவிக்கப்பட்டுள்ள எண் எது?

3.உலக செஸ் ராபிட் சாம்பியன்-2019 பட்டம் பெற்ற இந்திய பெண்மணி யார்?

4.அமெரிக்காவால் கொல்லப்பட்ட ஈரானிய ராணுவ தளபதி யார்?

5.ராணுவத்தில் புதிதாக உருவாக்கப்பட்டுள்ள மிகப் பெரிய பதவி எது?

6.இந்தியா உலக பொருளாதாரத்தில் எத்தனையாவது இடத்திற்கு முன்னேறியுள்ளது, எந்த நாட்டை முந்தியுள்ளது?

7.குப்தர் கால துருப்பிடிக்காத இரும்புத்தூண் எங்கு உள்ளது?

8.பொன் முடியாரும், அரிசில் கிழாரும் இணைந்து பாடிய நூல் எது?

9.விதவை மறுமணச் சட்டம் யாரால் கொண்டுவரப்பட்டது?

10.கிரிப்ஸ் பரிந்துரையை “வீழ்ச்சி அடைந்து கொண்டிருக்கும் வங்கியின் காலம் கடந்த காசோலை” என கூறியவர் யார்?

11.சனியைத் தவிர வேறு எந்த கோளில் வளையங்கள் உள்ளன?

12.மலஞ்கண்ட் தாமிர சுரங்கம் எங்குள்ளது?.

13.பென்கங்கா, வார்தா, சபரி ஆகியவை எந்த ஆற்றின் துணைநதிகளாகும்?

14.சிறிய அரசமைப்புச் சட்டம் என்று வர்ணிக்கப்படும் சட்ட திருத்தம் எது?

15.வெள்ளி கோள் தன் அச்சில் சுழல எத்தனை நாட்கள் எடுத்துக் கொள்கிறது?

16.குஜராத், அரியானா, உத்தரபிரதேசம் இவற்றில் கால்வாய் பாசனம் மிக்க மாநிலம் எது?.

17.லோக்சபா, ராஜ்யசபாவுடன் மற்றொன்றும் இணைந்ததுதான் பாராளுமன்றத்தின் அங்கமாகும் அது என்ன?

18.ஆற்றல் மாற்றம் நிகழும்போது வெளிப்படுவது எது?

19.ஒளியின் திசைவேகம் கண்ணாடியில் எவ்வளவு?

20.ஒரு பொருள் சீரான திசைவேகத்தில் செல்லும்போது அதன் வேக வளர்ச்சி என்னவாக இருக்கும்?

21.மண்ணெண்ணைக்குள் வைத்து பாதுகாக்கப்படும் உலோகம் எது?

22.உறுதிமொழிகளும், பிரமாணங்களும் இடம் பெற்றுள்ள சட்ட அட்டவணை எது?

23.வைரத்தின் ஒளிவிலகல் எண் எது?

24.சுவாசித்தலுடன் தொடர்புடைய செல் உள் உறுப்பு எது?

25.பூச்சிகள் மூலம் நடைபெறும் மகரந்த சேர்க்கை எப்படி அழைக்கப்படுகிறது?

விடைகள்:

1.ஸ்வர்ணஜயந்தி பெல்லோசிப் விருது , 2. 139, 3. கோனேரு ஹம்பி, 4. காசிம் சுலைமானி, 5. முப்படை தலைமைத் தளபதி, பிபின் ராவத் பொறுப்பேற்றிருக்கிறார், 6. 4-வது இடம், ஜெர்மனியை முந்தியது, 7. மெஹருலி, 8. தகடூர் யாத்திரை, 9. டல்ஹவுசி, 10. எம்.கே.காந்தி, 11. யுரேனஸ், 12. மத்திய பிரதேசம், 13. கோதாவரி , 14. அடிப்படை கடமைகள் கொண்ட 42-வது சட்ட திருத்தம்(1976), 15. 243 நாட்கள், 16. உத்தரபிரதேசம், 17. குடியரசுத் தலைவரும் பாராளுமன்றத்தின் அங்கமாவார், அரசியல் சாசனம் 79-வது ஷரத்து இதை வரையறுக்கிறது., 18. வெப்பம், 19. 2x108, 20.பூஜ்ஜியம், 21. சோடியம், 22. 3-வது அட்டவணை, 23. 2.4, 24. மைட்டோகாண்ட்ரியா, 25. எண்டமோபிலி.

விரிவாக படிக்க இங்கே கிளிக் செய்யுங்கள் | READ MORE | CLICK HERE

100 ஒளி ஆண்டு தொலைவில் பூமி அளவுக்கு பெரிய கிரகம் நாசா செயற்கைக்கோள் கண்டுபிடிப்பு

நூறு ஒளி ஆண்டு தொலைவில் பூமி அளவுக்கு பெரிய கிரகம் பிர பஞ்சத்தில் இருப்பதை அமெரிக்க விண்வெளி ஆராய்ச்சி நிறுவமான நாசா செயற்கைக்கோள் கண்டு பிடித்துள்ளது.

ஹவாயின் ஹோனாலூலு தீவில் நடைபெற்ற அமெரிக்க வானியல் சொசைட்டியின் ஆண்டு பொதுக் கூட்டத்தில் நாசாவின் ஜெட் புரொபல்ஷன் ஆய்வகம் இதை அறிவித்துள்ளது,

நாசா விண்வெளி ஆராய்ச்சி நிறுவனம் அனுப்பியுள்ள டெஸ் (TESS) என்ற செயற்கைக் கோளானது பிரபஞ்சத்தில் காணப்படும் புதிய கிரகங்கள், நிலவுகளை கண்டுபிடித்து ஆய்வு நடத்தி வருகிறது.

இந்நிலையில் பூமியிலிருந்து 100 ஒளி ஆண்டு தொலைவில் (ஒரு ஒளி ஆண்டு என்பது ஒளி யானது ஓராண்டில் பயணப்படும் தூரமாகும்) உள்ள பூமி அளவுக்கு பெரிய கிரகத்தைக் கண்டறிந் துள்ளது.

இதற்கு டிஓஐ 700 டி (TOI 700 d) என்று பெயரிடப்பட்டுள்ளது. நமது சூரிய குடும்பத்திலுள்ள சூரியனினில் 40 சதவீத அளவுக்கு அந்த உலகம் உள்ளதாகத் தெரியவந்துள்ளது. மேலும் சூரியனின் வெப்பத்தைப் போல பாதியளவு வெப்பத்தையும் இது பெற்றுள்ளது. மேலும் அதில் தண்ணீர் இருப்பதற்கான அறிகுறிகளும் தெரியவந்துள்ளது.

இதுகுறித்து நாசா வான் இயற்பியல் பிரிவு இயக்குநர் பால் ஹெர்ட்ஸ் கூறும்போது, “டெஸ் செயற்கைக்கோளானது நமது நட்சத்திரக் குடும்பங்களுக்கு அருகிலுள்ள பூமி அளவுக்கு பெரிய கிரகங்கள் குறித்து கண்டுபிடிப்பதற்காக விண்ணில் செலுத்தப்பட்டதாகும்.

அந்த பூமி அளவுக்கு பெரிய கிரகத்தை டெஸ் செயற்கைக் கோள் கண்டறிந்தபோது அதை பார்த்து நாங்கள் வியந்தோம். ஆனால் கிரகத்தின் அளவை சரியாகக் கணக்கிட முடியவில்லை. இது கிட்டத்தட்ட பூமியின் அளவுக்கு பெரிய கிரகம் என்பதை பின்னர் கண்டறிந்தோம். இதற்கு அறிவியல் ஆய்வு மாணவர் ஆல்டன் ஸ்பென்ஸர், சிகாகோ பல்கலைக்கழக மாணவி எமிலி கில்பர்ட் ஆகியோர் உதவி செய்தனர். இவர்கள் இருவரும் டெஸ் செயற்கைக்கோள் குழுவில் உள்ளனர்.

இந்த கிரகம் குறித்த செய்தியை பின்னர் ஸ்பிட்சர் விண்வெளி தொலைநோக்கியும் உறுதி செய்தது.

கெப்ளர் விண்வெளி தொலை நோக்கி மூலம் இதேபோன்ற கிரகங்கள் ஏற்கெனவே கண்டு பிடிக்கப்பட்டுள்ளன. ஆனால் டெஸ் செயற்கைக்கோள் மூலம் முதன்முதலாக இது கண்டறியப் பட்டுள்ளது.

இது பூமியை விட 20 சதவீதம் பெரிதாக உள்ளது. மேலும் அதன் நட்சத்திரக்கூட்டத்தை 37 நாட்களில் சுற்றி வருகிறது.

தற்போது டிஓஐ 700 டி கிரகத்தைப் போன்ற மாதிரிகளை உருவாக்கி அதை உலகுக்கு அறிவிக்க அறிவியலாளர்கள் முயற்சி செய்து வருகின்றனர்” என்றார்

விரிவாக படிக்க இங்கே கிளிக் செய்யுங்கள் | READ MORE | CLICK HERE

தார் ஏரி

தார், கச்சா எண்ணெயின் கழிவுப் பொருள்தான். அதாவது குரூட் ஆயில் எனப்படும் கச்சாஎண்ணெய்ப் பொருளை பெட்ரோல் உள்பட பல பொருட்களாக பிரித்தெடுக்கும் சமயத்தில்தான் இந்த தாரும் வெளியேற்றப்படுகிறது. தார் குளிர்ந்த நிலையில் கெட்டியாக இருக்கும். காய்ச்சி சூடாக்கினால் 230 டிகிரி சென்டிகிரேடில் திரவமாக மாறும்.


பெட்ரோலியத்தை சுத்திகரிக்கும்போதுதான், பெட்ரோல் ஆலைகளில் இருந்து 95 சதவீத அளவுக்கு தார் உற்பத்தியாகிறது. சில இடங்களில் இயற்கையாகவே தார் படிவு காணப்படுகிறது. டிரினிடாட் என்ற இடத்தில் தார், ஏரிபோல பரந்துவிரிந்து படர்ந்து காணப்படுகிறது. இங்கு மட்டும் 15 மில்லியன் டன்கள் வரை தார் காணப்படுவதாக மதிப்பிடப்பட்டு உள்ளது.

மனிதன், தார் பயன்பாட்டை சுமார் 4500 ஆண்டுகளுக்கு முன்பே அறிந்துவிட்டான். மொகஞ்சதாரோ கட்டிடங்களில் செங்கற்களை பூச, தார் பயன்படுத்தப்பட்டிருப்பதாக புதைபொருள் ஆய்வாளர்கள் கண்டுபிடித்தனர்.

தாருடன், கற்களை கலந்து சாலை அமைக்கும் பணி இங்கிலாந்தில் தோன்றியது. 1845-ல் அங்கு தார் சாலை உருவாக்கப்பட்டது. தார் சாலைகள் உறுதியாக இருந்ததுடன், காற்று மழையினால் பாதிக்கப்படவில்லை. மேலும் வாகனங்களின் டயர்களுக்கும் பாதிப்பு ஏற்படுத்தவில்லை. எனவே தார் சாலையின் தேவை அதிகரித்தது. 1920-க்குப் பின்புதான் பெருமளவில் தார் சாலைகள் அமைக்கப்பட்டன என்பது குறிப்பிடத்தக்கது. கடந்த 100 ஆண்டுகளில்தான் உலகம் முழுக்க தார் சாலைகள் மிளிர்கின்றன.

விரிவாக படிக்க இங்கே கிளிக் செய்யுங்கள் | READ MORE | CLICK HERE

வரலாற்று டைரி

உலக வரலாற்றில் டிசம்பர் 20- முதல் 29 வரை நடந்த முக்கிய நிகழ்வுகளின் தொகுப்பு...

டிசம்பர் 10

* மெட்ரிக் அளவுமுறை முதன்முதலில் பிரான்சில் 1799-ல் ஏற்கப்பட்டது.

* முதல் நோபல் பரிசு, செஞ்சிலுவை சங்கத்தை தோற்றுவித்த ஹென்றி டூனாண்டிற்கு 1901-ல் அறிவிக்கப்பட்டது.

டிசம்பர் 11

* மோனாலிசா ஓவியம் லூவர் அருங்காட்சியகத்தில் இருந்து திருட்டுபோன 2 ஆண்டு களுக்குப் பின்பு, 1913-ல் மீட்கப்பட்டது.

* 1946-ல் ஐ.நா.வின் குழந்தைகள் நிதி அமைப்பு தோற்றுவிக்கப்பட்டது.

வாஷிங்டன் தலைநகரானது

டிசம்பர் 12

* 1800-ல், அமெரிக்காவின் தலைநகரமாக வாஷிங்டன் டி.சி. உருவாக்கப்பட்டது.

டிசம்பர் 13

* 2003-ல், பதுங்கு குழியில் இருந்த ஈராக் அதிபர் சதாம் உசேன், அமெரிக்க படைகளால் பிடிக்கப்பட்டார்.

டிசம்பர் 14

* 1903-ல் ரைட் சகோதரர்கள், தங்கள் விமானத்தை பறக்க வைக்கும் முதல் முயற்சியை தொடங்கினர்.

* 1900-ல், ஜெர்மனி இயற்பியலாளர் மேக்ஸ் பிளாங், பிளாக்பாடி ரேடியேசன் விதியை விவரித்தார். குவாண்டம் இயற்பியல் துறைக்கு இது வழிவகுத்தது.

டிசம்பர் 15

* 1840-ல், நெப்போலியனின் உடல் பிரான்சு நாட்டினால் அவர் இறந்த 19 ஆண்டுகளுக்கு பின்பு பெறப்பட்டு, பாரீஸில் அடக்கம் செய்யப்பட்டது.

* ஹாலந்தில் 1593-ல், காற்றாலைக்கு காப்புரிமம் வழங்கப்பட்டது.

டிசம்பர் 16

* 1689-ல், இங்கிலாந்து பாராளுமன்றத்தில் முடியாட்சிக்கு அதிகார வரம்பு நிர்ணயம் செய்யவும், முறையான தேர்தல் நடைபெறவும் மசோதா தாக்கல் செய்யப்பட்டது.

விமானம் பறந்தது

டிசம்பர் 17

* 1903-ல், ரைட் சகோதரர்களின் விமானம் கலிபோர்னியாவில் வெற்றிகரமாக பறந்தது. ஆர்வில்ரைட் இதை இயக்கினார்.

டிசம்பர் 18

* 1603-ல் டச்சு கிழக்கிந்திய கம்பெனி கிழக்கிந்திய தீவில் கால்பதித்தது.

* பென்சில்வேனியாவில், 1957-ல் உலகின் முதல் அணுமின் உலை நிறுவப்பட்டது.

டிசம்பர் 19

* 1783-ல் வில்லியம்பிட் 24 வயதில் இங்கிலாந்தின் இளம் பிரதமராக பொறுப்பேற்றார்.

* 1932-ல், தொலைக்காட்சி ஒளிபரப்பும் பிரிட்டிஷ் புராட்காஸ்ட் கழகம் உதயமானது.

ரேடியம் கண்டுபிடிப்பு

டிசம்பர் 20

* 2007-ம் ஆண்டு, இங்கிலாந்தின், இரண்டாம் எலிசபெத் ராணி, 81 வயது 7 மாதம் 29 நாட்கள் கடந்த நிலையில் விக்டோரியா ராணியின் சாதனையை முறியடித்து முதுமையான ராணி என்ற பெருமை பெற்றார்.

டிசம்பர் 21

* பிரெஞ்ச் ஆய்வாளர்கள் பியரி கியூரி மற்றும் மேரி கியூரி ஆகியோர் 1898-ல் ரேடியத்தை கண்டறிந்தனர்.

* 1937-ல், முதல் முழுநீள அனிமேசன் படமான ‘ஸ்னோ ஒயிட் அண்ட் செவன் ட்வார்ப்ஸ்’ படம் வெளியானது.

டிசம்பர் 22

* எடிசன் 1877-ல் போனோகிராப் கண்டுபிடிப்பை வெளியிட்டார்.

* 1885-ல், இட்டோ ஹிரோபுமி, ஜப்பானின் முதல் பிரதமரானார்.

முதல் போர் டிரோன்

டிசம்பர் 23

* 1954-ல் மனிதனுக்கு முதல் சிறுநீரக மாற்று அறுவைச் சிகிச்சை நடந்தது. அமெரிக்காவின் பாஸ்டன் நகரில் பிரிகாம் மருத்துவமனையில் மருத்துவர் ஜோசப் இ.முர்ரே இந்த அறுவைச் சிகிச்சையை செய்தார்.

* 1970-ல், உலக வர்த்தக மையத்தின் வடக்கு கோபுரம் (417மீட்டர்) கட்டப்பட்டது. இது அப்போது உலகின் உயர்ந்த கட்டிடம் என்ற சிறப்பு பெற்றது.

* 1996-ல், ஜமைக்காவில் 4 பெண்கள் முதன்முதலாக கிறிஸ்தவ பாதிரியாராக நியமிக்கப்பட்டனர். ஆங்கிலிகன் திருச்சபை நிர்வாகத்தில் 330 ஆண்டு வரலாற்றில் முதல் பெண் பாதிரியார்கள் அவர்கள் என்ற சிறப்பு பெற்றனர்.

* 2002-ம் ஆண்டு, ஈராக் மிக்25 ரக போர் விமானம், அமெரிக்காவின் எம்.கியு.1 பிரிடேட்டர் என்ற குட்டி டிரோன் விமானத்தை வீழ்த்தியது. இதுதான் போரில் ஈடுபடுத்தப்பட்ட முதல் ஆளில்லா விமானமாகும்.

* 1847-ல் கனடா பிரதமர் மெக்கன்சி பாவெல், (வயது 24), ஹெர்ரிட் மூர் என்பவரை திருமணம் செய்தார்.

நிலவை நெருங்கிய அப்பல்லோ

டிசம்பர் 24

* 1936-ல் ரேடியோ கதிர்வீச்சு மருந்து முதன் முதலாக கலிபோர்னியா பெர்கிலியில் பயன்படுத்தப்பட்டது.

* 1968-ல், அப்பல்லோ 8 விண்கலம், நிலவின் சுற்றுவட்டப்பாதையில் மனிதர்களுடன் நுழைந்து வலம்வந்தது. இது அமெரிக்க தொலைக்காட்சியில் நேரடி ஒளிபரப்பு செய்யப்பட்டது.

* 1901-ல் போஸ்ட் கார்டு (postcard) என்ற வார்த்தையை பயன்படுத்த வேண்டும் என்று அமெரிக்க தனியார் நிறுவனம் உரிமை கோரியது. அதற்கு முன்பு அவை பிரைவேட் மெயிலிங் கார்டு என அழைக்கப்பட்டது.

கிறிஸ்துமஸ் சமாதானம்

டிசம்பர் 25

* ஆய்வாளர் ஆன்டர்ஸ் செல்சியஸ், சென்டிகிரேடு வெப்ப அளவி கருவியை 1741-ல் அறிமுகம் செய்தார்.

* 1100-ம் ஆண்டு, ஜெருசலேமின் முதல் மன்னராக பால்ட்வின் முடிசூடினார்.

* 1914-ல் ‘கிறிஸ்துமஸ் சமாதானம்’ எனும் புகழ்பெற்ற சமாதான நடவடிக்கை, உலகப் போர்க்களத்தின் மத்தியில் அறிவிக்கப்பட்டது. இங்கிலாந்து மற்றும் ஜெர்மன் படையினர் சண்டையிடுவதற்குப் பதிலாக பரிசு களைப் பரிமாறி, கால்பந்து விளையாடி மகிழ்ந்தனர்.

* ஐசக் நியூட்டன், 1642-ம் ஆண்டு பிறந்தார். முகமது அலி ஜின்னாவின் (1876) பிறந்தநாளும் இதுதான்.

* ஜப்பானிய விஞ்ஞானிகள், 1989-ல் மைனஸ் 271.8 டிகிரி செல்சியஸ் குளிரை பதிவு செய்தனர். இதுதான் உலகின் மிக குளிரான காலநிலைப் பதிவாகும்.

* நகைச்சுவை நடிகர் சார்லி சாப்ளின் 1977-ல் மரணம் அடைந்தார்.

சுனாமி தாக்குதல்

டிசம்பர் 26

* 2004-ம் ஆண்டு சுமத்ராதீவு அருகே 9.3 ரிக்டர் அளவில் நிலநடுக்கம் ஏற்பட்டதில் சுனாமி பேரலைகள் இந்தியா, இந்தோனேசியா, தாய்லாந்து, மலேசியா, இலங்கை, மாலத்தீவு ஆகிய நாடுகளை தாக்கியது. இதில் 2 லட்சத்து 30 ஆயிரம் பேர் இறந்தனர்.

* அமெரிக்க அதிபர் ரூஸ்வெல்ட்,1941-ல் நன்றி அறிவித்தல் தினத்தை அறிவித்தார்.

* கணினியின் தந்தை என்று போற்றப்படும் சார்லஸ் பாப்பேஜ் 1791-ம் ஆண்டு பிறந்தார்.

டிசம்பர் 27

* 1979-ல் ஆப்கானிஸ்தானில் ஊடுருவிய ரஷிய படை, சதித்திட்டத்தை காரணம் காட்டி, அந்த நாட்டு அதிபராக இருந்த ஹபிசுலாக் ஆமினை கொன்றது.

* ஸ்பெயின் 40 ஆண்டு சர்வாதிகார ஆட்சிக்குப்பின், குடியரசு நாடாக 1978-ல் மாறியது.

* 1845-ம் ஆண்டு, முதன் முதலாக பிரசவத்தில் ஈதர் பயன்படுத்தப்பட்டு குழந்தை பிறக்க வைக்கப்பட்டது.

* கோள்கள் சூரியனை சுற்றுகிறது என்பதை கண்டுபிடித்த கெப்ளர், 1571-ல் பிறந்தார்.

தடுப்பூசி சாத்தியத்தை கண்டறிந்தவரும், உணவு பதப்படுத்துதலுக்கு வித்திட்டவருமான லூயி பாஸ்டர், 1822-ம் ஆண்டு பிறந்தார்.

* ஈபில் கோபுரத்தை கட்டிய குஸ்டவ் ஈபில் (1923), பெனாசிர் பூட்டோ (2007) டிசம்பர் 27- மரணம் அடைந்தனர்.

நெப்டியூன் கண்டுபிடிப்பு

டிசம்பர் 28

* 1612-ல் நெப்டியூன் கிரகத்தின் இருப்பு, விஞ்ஞானி கலீலியோவால் பதிவு செய்யப்பட்டது.

* 1836-ல், ஸ்பெயின், தங்கள் கட்டுப்பாட்டில் இருந்த மெக்சிகோவுக்கு சுதந்திரம் வழங்கியது.

* வில்லியம் ராண்ட்ஜன் 1895-ல், புதுவிதமான கதிர்வீச்சை கண்டுபிடித்தார். அது பின்னாளில் எக்ஸ் கதிர்கள் என்று வரையறுக்கப்பட்டது.

* உட்ரோவில்சன் 1856-ல் பிறந்தார்.

* ஜோல்லி பெல்லின், டிரைகிளீனிங் முறையை 1849-ம் ஆண்டு தற்செயலாக கண்டுபிடித்தார்.

சீன குடியரசு

டிசம்பர் 29

* சன்யாட்சென், சீன குடியரசின் முதல் அதிபராக 1911-ம் ஆண்டு தேர்வு செய்யப்பட்டார்.

* 1959-ல், இயற்பியலாளர் ரிச்சர்டு பெய்மான் என்பவர், நானோ தொழில்நுட்பத்திற்கான முக்கிய ஆதாரங்களை வெளியிட்டு சொற்பொழிவு நிகழ்த்தினார்.

* இரும்பு கவசத்துடன்கூடிய எச்.எம்.எஸ். வாரியார் போர்க்கப்பலை இங்கிலாந்து 1860-ல் பயன்பாட்டிற்கு கொண்டு வந்தது.

* டயர்களின் நாயகன் குட்இயர் 1800-ல் பிறந்தார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

ஒலிம்பிக்

உலகத் திருவிழாவான ஒலிம்பிக் பற்றி நீங்கள் கொஞ்சம் அறிந்திருக்கலாம். அது பற்றிய சில அடிப்படை தொகுப்பு இங்கே கேள்வி பதிலாக...

எப்போது ஒலிம்பிக் போட்டிகள் ஆரம்பமானது?

கி.மு. 776-ம் ஆண்டிலேயே பழமையான ஒலிம்பிக் போட்டிகள் தொடங்கிவிட்டது. இதுதான் வரலாற்றில் பதிவான ஆதாரப்பூர்வமான விளையாட்டுப் போட்டியாகும். கி.பி. 393-ம் ஆண்டு இந்த பழமையான ஒலிம்பிக் போட்டிக்கு தடை விதிக்கப்பட்டது.

பழமையான ஒலிம்பிக் ஏன் நிறுத்தப்பட்டது?

ரோமானிய பேரரசர் தியோடோசிஸ் பழமையான ஒலிம்பிக் போட்டிக்கு தடை விதித்தார். போரில் வெற்றி வாகை சூடிய அவர், ஒலிம்பிக் போட்டி கிரேக்க மத கடவுளை போற்றி கொண்டாடும் விதமாக நடந்த போட்டி என்பதால் அவர் தடைவிதித்தார். காலப்போக்கில் ஒலிம்பிக்கின் புகழ் மங்கியது.

நவீன ஒலிம்பிக்கை தோற்றுவித்தது யார்?

நவீன ஒலிம்பிக் ஏதென்சில் 1896-ம் ஆண்டு தொடங்கப்பட்டது. பியரி டி குபெர்டின் என்பவர் முயற்சியால் ஒலிம்பிக் போட்டிகள் மறுமலர்ச்சி கண்டது. எனவே அவர், நவீன ஒலிம்பிக்கின் தந்தை, என்று போற்றப் படுகிறார்.

முதல் ஒலிம்பிக் எங்கு நடந்தது?

பழமையான ஒலிம்பிக் போட்டிகள் கிரீஸ் நாட்டின் ஒலிம்பியா நகரில் நடந்துள்ளது. நவீன ஒலிம்பிக் போட்டிகள் கிரீஸின் ஏதென்ஸ் நகரில் நடந்தது.

முதல் ஒலிம்பிக் சாம்பியன் யார்?

எலிஸ் நகரத்தை சேர்ந்த கோரேபாஸ் என்பவர், கி.மு. 776-ம் ஆண்டு ஒலிம்பிக் பந்தயத்தில் சாம்பியன் பட்டம் வென்ற முதல் வீரர் ஆவார். நவீன ஒலிம்பிக் போட்டியில் முதல் தங்கம் வென்ற பெருமைக்குரியவர் ஜோம்ஸ் கானோலி.

ஒலிம்பிக் கொடி எதைக் குறிக்கிறது?

சர்வதேச சகோதரத்துவத்தை ஒலிம்பிக் கொடி உணர்த்துகிறது. மஞ்சள், கறுப்பு, நீலம், சிவப்பு, பச்சை ஆகிய 5 வண்ண வளையங்கள் கொண்டு ஒலிம்பிக் கொடி உருவாக்கப்பட்டு உள்ளது. ஒலிம்பிக் வளையங்களின் வண்ணம் உலக நாடுகள் அனைத்தின் கொடிகளில் உள்ள வண்ணங்களைக் கொண்டு உருவாக்கப்பட்டதாகும்.

ஒலிம்பிக் ஜோதி எப்போது அறிமுகமானது?

பெர்லினில் 1936-ம் ஆண்டு நடந்த ஒலிம்பிக் போட்டியின்போது ஒலிம்பிக் ஜோதி அறிமுகமானது.

நவீன ஒலிம்பிக் போட்டிகள் தடைபட்டது உண்டா?

உலகப் போர்களின் காரணமாக 1916, 1940, 1944 ஆகிய ஆண்டுகளில் ஒலிம்பிக் போட்டிகள் நடைபெறவில்லை.

ஒலிம்பிக்கில் இந்தியாவின் குறிப்பிடத்தக்க சாதனை என்ன?

இந்திய ஆக்கி அணி 1928-ம் ஆண்டு முதல் 1956-ம் ஆண்டு வரை நடந்த ஒலிம்பிக் போட்டிகளில் தொடர்ந்து 6 முறையும் சாம்பியன் பட்டம் வென்று சாதனை படைத்தது. இந்த சாதனை இன்றுவரை முறியடிக்கப்படவில்லை. மேலும் 2 முறையும் இந்திய ஆக்கி அணி தங்கம் வென்றது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

‘சூல்’ நாவலுக்காக எழுத்தாளர் சோ.தர்மனுக்கு சாகித்ய அகாடமி விருது

‘சூல்’ நாவலுக்காக எழுத்தாளர் சோ.தர்மனுக்கு சாகித்ய அகாடமி விருது அறிவிக்கப்பட்டு உள்ளது.

இந்திய எழுத்து துறையில் சிறந்த படைப்புகளை வெளியிடும் எழுத்தாளர்களுக்கு ஆண்டுதோறும் சாகித்ய அகாடமி விருது வழங்கப்படுகிறது. இலக்கிய துறையில் தேசிய அளவில் வழங்கப்படும் மிகப்பெரிய விருதான இதை பெறுவது மிகப்பெரும் கவுரவமாக பார்க்கப்படுகிறது.

அந்தவகையில் இந்த ஆண்டுக்கான சாகித்ய அகாடமி விருது நேற்று அறிவிக்கப்பட்டது. 23 மொழிகளில் விருது பெறுவோரின் பட்டியலை சாகித்ய அகாடமி செயலாளர் கே.சீனிவாசன் வெளியிட்டார்.

இதில் தமிழ் மொழி பிரிவில் பிரபல எழுத்தாளர் சோ.தர்மனுக்கு (வயது 66) விருது அறிவிக்கப்பட்டு உள்ளது. தமிழக சுற்றுச்சூழல் பேரழிவை மையப்படுத்தி எழுதப்பட்ட ‘சூல்’ என்ற நாவலுக்காக அவர் இந்த விருதை பெறுகிறார்.

கோவில்பட்டி அருகே உள்ள உருளைக்குடியை சேர்ந்த சோ.தர்மன் இதுவரை 4 நாவல்கள், 8 சிறுகதை தொகுப்புகளை வெளியிட்டு உள்ளார். இதில் ‘கூகை’ என்ற நாவல் ஆக்ஸ்போர்டு பல்கலைக்கழகத்தில் இடம் பெற்றுள்ளது. மேலும் மலையாளத்திலும் மொழி பெயர்க்கப்பட்டு வெளியிடப்பட்டு உள்ளது.

அதன் தொடர்ச்சியாக தற்போது ‘சூல்’ நாவல், அவருக்கு சாகித்ய அகாடமி விருதை பெற்றுக் கொடுத்திருப்பது குறிப்பிடத்தக்கது. இவர் ஏற்கனவே 2 முறை தமிழக அரசின் விருதை பெற்றுள்ளார்.

சோ.தர்மனைப்போல பிற மொழிகளிலும் சிறந்த படைப்புகளை வெளியிட்ட எழுத்தாளர்களுக்கு விருது அறிவிக்கப்பட்டு உள்ளது. இதில் கேரளாவின் திருவனந்தபுரம் தொகுதி எம்.பி.யும், முன்னாள் மத்திய மந்திரியுமான சசி தரூர் முக்கியமானவர் ஆவார். ‘இருளின் ஒரு சகாப்தம்’ என்ற அவரது ஆங்கில புத்தகத்துக்காக இந்த விருதை அவர் பெறுகிறார்.

இவர்களை தவிர நந்த் கிஷோர் ஆச்சார்யா (இந்தி), நிபா கண்டேகர் (கொங்கணி), மதுசூதனன் நாயர் (மலையாளம்), அனுராதா பாட்டீல் (மராத்தி), பென்னா மதுசூதன் (சமஸ்கிருதம்), பண்டி நாராயண் சுவாமி (தெலுங்கு) உள்ளிட்டோருக்கும் சாகித்ய விருது அறிவிக்கப்பட்டு உள்ளது.

அதேநேரம் நேபாளி மொழி பிரிவில் பரிசு பெறும் எழுத்தாளரின் விவரம் பின்னர் அறிவிக்கப்படும் என சாகித்ய அகாடமி செயலாளர் கூறியுள்ளார்.

சாகித்ய அகாடமி விருது, ரூ.1 லட்சம் ரொக்கம், சான்றிதழ் மற்றும் செப்பு தகடு போன்றவற்றை உள்ளடக்கியது ஆகும்.

சாகித்ய அகாடமி விருது குறித்து சோ.தர்மன் கூறுகையில், ‘நாட்டில் உள்ள கண்மாய்களின் இன்றைய நிலை என்ன? என்பதுதான் ‘சூல்’ நாவலின் மையக்கருத்து. அடிப்படையில், விவசாயியான நான் தண்ணீர் இல்லாததால்தான் 10 ஏக்கர் நிலத்தை தரிசாக போட்டுவிட்டு எழுத்துப்பணியை செய்து வருகிறேன். அதுதான் இந்த நாவலை எழுத தூண்டுதலாக அமைந்தது’ என்று தெரிவித்தார்.

இந்த நாவலுக்கு மத்திய அரசின் அங்கீகாரம் கிடைத்திருப்பது மகிழ்ச்சி அளிப்பதாக குறிப்பிட்ட சோ.தர்மன், சாகித்ய அகாடமி விருதை தனது உருளைக்குடி கிராம மக்களுக்கு சமர்ப்பிப்பதாகவும் கூறினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

‘விஜய் திவாஸ்’ தினம்

1971-ம் ஆண்டு பாகிஸ்தானுக்கு எதிராக நடந்த போரில் இந் தியா வெற்றி பெற்றதைக் கொண்டாடும் வகையிலும், அந் நாட்டு வீரர்கள் 90 ஆயிரம் பேர் இந்தியப் படையிடம் சரணடைந் ததை நினைவுகூரும் வகை யிலும், ஆண்டுதோறும் டிசம்பர் 16-ம் தேதி ‘விஜய் திவாஸ்’ எனப் படும் வெற்றி தினம் கொண் டாடப்படுகிறது.

இந்த தினத்தை முன்னிட்டு, சென்னையில் உள்ள போர் நினைவுச் சின்னத்தில், போரில் உயிரிழந்த வீரர்களின் நினைவைப் போற்றும் வகை யில் ராணுவ அதிகாரிகள் மலர் வளையம் வைத்து அஞ்சலி செலுத்தினர்.

இந்நிகழ்ச்சியில், தென்பிராந் திய ராணுவ அதிகாரி மேஜர் ஜெனரல் பிரகாஷ் சந்திரா, ஏர்-கமாண்டர் எம்.எஸ். அவானா, பிரகாஷ் சந்திரா, ரியர் அட்மிரல் கே.ஜே. குமார், லெப்டினன்ட் ஜெனரல் டி நாகேஸ்வர ராவ் உள்ளிட்டோர் பங்கேற்றனர்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

இந்திய கல்விக் கொள்கை வரலாறு - மெக்காலே முதல் மோடி வரை!

மெக்காலே  கல்விக் கொள்கை (Lord Macaulay education policy)

1813-ல் முதன்முறையாக இந்திய மக்களுக்குக் கல்வி அளிக்கும் பொறுப்பைத் தனது பணியாக ஏற்பதாக பிரிட்டிஷ் அரசு அறிவித்தது. கல்வி சாசனம் (Charter Act of 1813) எனும் ஆவணத்தையும் வெளியிட்டது. அதற்காக அன்று உடனடியாக ரூ. 1 லட்சம் ஒதுக்கப்பட்டதும், அது கிறித்துவ மிஷனரிகளுக்கு மட்டுமே வழங்கப்பட்டதும் வரலாறு. ஆங்கிலக் கல்வியே தனது கல்வி என இந்த ஆவணம் பகிரங்கமாக அறிவித்தது. கிழக்கிந்திய கம்பெனியில் வேலை பார்க்க, இந்திய மக்களுக்குச் சாதி, மதம் உள்ளிட்ட தகுதி தேவையில்லை. பிரிட்டிஷ் கல்வி நிறுவனக் கல்வித் தகுதியின் அடிப்படையில் மட்டுமே வேலை வழங்கப்படும் என அதன் இரண்டாம் ஷரத்து குறிப்பிடுகிறது. சமஸ்கிருதம் மற்றும் அரபு மொழிகளில் புத்தகங்களை வெளியிடுவதற்கான ஆதரவை திரும்பப் பெற வேண்டும் என்று மக்காலே வாதிட்டார்

1834-ல் மெக்காலே இந்தியா வந்தார். அவருடன் ஆலோசனை நடத்திய கவர்னர் ஜெனரல் பெண்டிங் பிரபு, இந்தியக் கல்விக்கு – பொதுக் கற்பித்தல் முறை எனப் பெயரிட்டு, அவரையே அதன் தலைவராக்கினார். எண்ணத்திலும் அறிவாற்றலிலும் கலாச்சாரத்திலும் ஆங்கிலேயராகவும் ஆனால், ரத்தத்திலும் நிறத்திலும் இந்தியராகவும் இருக்கும் ஒருவரை உருவாக்குவதே கல்வியின் நோக்கம் என அறிவித்த மெக்காலே, 267 பக்கம் கொண்ட கல்விக் கருத்துருவை அரசுக்கு பிப்ரவரி, 2, 1835 சமர்ப்பித்தார். அதன்படி, ஆங்கில கல்வி சட்டம் 1835 (English Education Act 1835 ) இயற்றப்பட்டு நடைமுறைப்படுத்தப்பட்டது.

ஆங்கிலக் கல்வியை முழுதும் ‘வேலையாள்’ தகுதி பெறும் கல்வியாக மாற்றினார். பிராந்திய மொழிகளில் புத்தகங்கள் அச்சிடுவதைக்கூடத் தடை செய்தார். “வியாபார, நிர்வாக மொழியாய் ஆங்கிலம்; அதற்காக பிரிட்டிஷ் அரசுக்குத் தேவைப்படும் லட்சக்கணக்கான – கணக்காளர், எழுத்தர் வேலைக்கான கல்வி ஆகியவை போதுமானவை. பெரிய மேதாவிகள், தத்துவ அறிஞர்கள் எல்லாம் நமக்கு எதற்கு?” என அவர் பகிரங்கமாக அறிவித்தார். 1835-ல் வில்லியம் பெண்டிங் பிரபு, மெக்காலே குறிப்புகளை ஏற்று முழுமையாக அமல்படுத்த உத்தரவிட்டார். பிற்காலத்தில், ‘வேலை… கம்பெனி அரசு வேலை, தனியார் ஆலை வேலை எனும் ஈர்ப்பே கல்வியின் அடிநாதமாக்கப்பட்டது. பள்ளி, கல்லூரி தரும் சான்றிதழ், வேலை பெறும் ஒரு அடையாளச் சீட்டாகப் பயனாகிறது’ என்று காந்தி விமர்சித்தது குறிப்பிடத் தக்கது.

பரோன் ஆக்லாண்ட் தீர்மானம் (Baron Auckland Minutes)

வில்லியம் பெண்டிங்குக்குப் பிறகு 1839 ஆம் ஆண்டு ஆக்லாண்ட் பிரபு பிறகு கவர்னர் ஜெனரலாகப் பதவியேற்றார், மெக்காலே இங்கிலாந்து திரும்பினார். பாரம்பரிய ஓரியண்டல் கல்லூரிகளைத் தொடர்ந்து நடத்தாமல் பென்டிங்கின் சட்டத்தால் அமைக்கப்பட்ட ஆங்கிலக் கல்லூரிகளை ஆதரிக்கப் போதுமான நிதி கண்டுபிடிக்க ஆக்லாண்ட் திட்டமிட்டார். அவர் (நவம்பர் 24, 1839) ல் ஒரு தீர்மானம்  இயற்றினார்; அதன்படி ஓரியண்டல் மற்றும் ஆங்கிலக் கல்லூரிகளுக்குப் போதுமான நிதி வழங்கப்பட வேண்டும் என்று முடிவு செய்யப்பட்டது. அதன்படி கிழக்கிந்திய கம்பெனி சமஸ்கிருதம் மற்றும் அரபி படைப்புகளை வெளியிடுவதற்கு மீண்டும் மானியம் வழங்கத் தொடங்கியது, 1853-ல் இங்கிலாந்தின் கல்விக் கட்டுப்பாட்டுக் குழுமத்தின் தலைவராக இருந்த சார்லஸ் வுட் தலைமையில் ஒரு கல்விக் குழு இந்தியா வந்தது. 1854-ல் கர்சன் பிரபுவின் காலத்தில் இதன் அறிக்கை முன்வைக்கப்பட்டது. நமது கல்வி முறையில் இருக்கும் காலாண்டுத் தேர்வு, அரையாண்டுத் தேர்வு, முழு ஆண்டுத் தேர்வு என்பதெல்லாம் இக்குழுவின் கைங்கர்யம்தான். பள்ளிக்கான சீருடை, ஒரு பாடமாகப் பிராந்திய மொழி போன்றவற்றை 1882-ல் வில்லியம் ஹண்டர் தலைமையில் உருவாக்கப்பட்ட இந்திய கல்வி கமிஷன் கொண்டுவந்தது.

டாக்டர் ராதாகிருஷ்ணன் குழு

நாடு சுதந்திரம் அடைந்த அடுத்த ஆண்டே, பல்கலைக்கழகக் கல்வியின் தரத்தை ஆராய, அப்போது ஆக்ஸ்போர்டு பல்கலைக்கழகப் பேராசிரியராக இருந்த டாக்டர் ராதாகிருஷ்ணன் தலைமையில் சுதந்திர இந்தியாவின் முதல் கல்விக் குழுவை நியமித்தார் பிரதமர் நேரு. பிரதான பிரச்சினை பல்கலைக்கழகக் கல்வியல்ல; அனைவருக்குமான ஆரம்பக் கல்விதான் என அம்பேத்கர், மேகநாத் சாஹா, அபுல் கலாம் ஆசாத் போன்றவர்கள் அப்போதே கருத்துத் தெரிவித்தனர். ஆனால், இந்தியப் பல்கலைக்கழக மானியக் குழுவைத் தோற்றுவித்தது உட்பட, உயர் கல்வியை நிறுவனமயமாக்கி, தனியார் கல்லூரிகளை உள்ளூர்க் குழுமங்கள் உருவாக்கி, மானியக் குழுவிடம் பண உதவிபெறலாம் என்றெல்லாம் முன்மொழிந்தது டாக்டர் ராதாகிருஷ்ணன் கல்விக் குழு.

டாக்டர் லட்சுமணசாமி குழு

1952-ல் சென்னைப் பல்கலைக்கழகத் துணைவேந்தராக இருந்த டாக்டர் லட்சுமணசாமி முதலியார் தலைமையில் ஒரு கல்விக் குழு அமைக்கப்பட்டது. இதில் தந்தை பெரியார், ஜி.டி.நாயுடு உட்பட பலர் நேரில் ஆஜராகி, கல்வி குறித்து விவாதித்தனர். பெண் கல்வி மேம்பட பெண்களுக்கான கல்வி நிலையங்களைத் தொடங்குதல், தமிழ் உள்ளிட்ட பிராந்திய மொழிகளைப் பயிற்று மொழியாக்குதல் என இரண்டு முக்கிய மாற்றங்களை இக்குழு முன் மொழிந்தது.

கோத்தாரி கல்விக் குழு

டாக்டர் டி.எஸ்.கோத்தாரி தலைமையில் நேரு உருவாக்கிய இந்தக் குழுவின் அமைப்பே வித்தியாசமாக இருந்தது. பிரிட்டன், அமெரிக்கா, ரஷ்யா போன்ற நாடுகளைச் சேர்ந்த பேராசிரியர்கள், கல்வியாளர்கள் இக்குழுவில் இடம்பெற்றிருந்தனர். 1964 அக்டோபர் 2-ல் தனது பணியைத் தொடங்கிய இக்குழு, 9,000 பேரிடம் கருத்தறிந்து, 2,400 பக்க அறிக்கையை 1966-ல் வழங்கியது. இந்தியக் கல்விக் குழுக்களிலேயே நமது மண்ணின் ஆதாரக் கல்வி எப்படி இருக்க வேண்டும் என்பதை மிகச் சரியாக முன்வைத்தது கோத்தாரி கல்விக் குழுதான்.

அரசு தனது ஒட்டுமொத்த உற்பத்தியில் 6 % ஐக் கல்விக்கு ஒதுக்க வேண்டும் என அக்குழு பரிந்துரை செய்தது (தற்போது மோடி அரசு கல்விக்கு ஒதுக்கியிருப்பது 3.47% மட்டுமே). பொதுப் பள்ளிகளை அக்குழுதான் அறிமுகம் செய்தது. ஒரு கிலோ மீட்டருக்கு ஒரு ஆரம்பப் பள்ளி, 2 கிலோ மீட்டருக்கு ஒரு உயர்நிலைப் பள்ளி, 3 கிலோ மீட்டருக்கு ஒரு மேல்நிலைப் பள்ளி என கல்விச் சாலைகளைக் கட்டமைத்தது. தறிப் பயிற்சி, தோட்டக் கலை, குடிமைப் பயிற்சி ஆகியவற்றை அறிமுகம் செய்தது. விளையாட்டு, நாட்டு நலப்பணித் திட்டம் ஆகியவை இக்குழுவின் சாதனைகள். இக்கல்விக் குழுவின் பரிந்துரைகளை அரசுகள் முழுமையாக அமல்படுத்தவில்லை.

ராஜீவின் புதிய கல்விக் கொள்கை

1986-ல் புதிய கல்விக் கொள்கை எனும் பெயரில் கல்வியில் மாற்றங்களை அறிவித்தது ராஜீவ் அரசு. பெருநிறுவனங்கள் மற்றும் தொழில்துறைக்குப் பணியாளர்களை வழங்கும் நோக்கத்தை அடிப்படையாகக் கொண்டது அது. தொழில் கல்வியே அதன் பிரதானம். முன்பு பிரிட்டிஷ்காரர்களுக்குக் கணக்காளர்களை உருவாக்கிய மெக்காலே கல்வி போலவே இந்தப் புதிய கொள்கை செயல்பட்டது. மதிப்பெண்களைத் துரத்தும் மனப்பாடக் கல்விக்கே முக்கியத்துவம் தரப்பட்டது. ஆங்கிலமே வேலைவாய்ப்பைத் தர முடியும் என்பதால், பட்டிதொட்டிகளில் எல்லாம் நர்சரிப் பள்ளிகள் முளைத்தன. பில்கேட்ஸின் பணியாட்களை உருவாக்க வடிவமைக்கப்பட்ட கல்விக் கொள்கை என்று கல்வியாளர்கள் இதை விமர்சிக்கிறார்கள்.

யஷ்பால் கல்விக் குழு

உலகம் முழுதும் கல்வி எனும் பெயரில் குழந்தைகள் வதைபடுவதைக் கடுமையாக விமர்சித்த யுனிசெஃப், யுனெஸ்கோ போன்ற ஐநா சபையின் குழந்தைகள் நல அமைப்புகள், கற்றலைச் சுமையற்றதாக்கவும் இனிமையாக்கவும் நடவடிக்கை எடுக்கக் கோரி நாடுகளை அழைத்தன. சாதி, சமய, வர்க்க வேறுபாடுகள் இன்றி, ஒரே மாதிரியான கல்வி எனும் நிர்ப்பந்தம் வந்தபோது 2009-ல் அமைக்கப்பட்டதுதான் பேராசிரியர் யஷ்பால் தலைமையிலான கல்விக் குழு. தேர்வுகளுக்குப் பதிலாக, மாற்றுக் கல்வித் தொடர் மற்றும் முழுமை மதிப்பீட்டை (சி.சி.இ.) இக்குழு அறிமுகம் செய்தது. எட்டாம் வகுப்பு வரை தொடர் தேர்ச்சி என்பதை இக்குழு கொண்டுவந்தது. இன்று பள்ளியில் ஒன்றாம் வகுப்பு சேரும் 100 குழந்தைகளில் 76 பேரை எட்டாம் வகுப்பில் நம்மால் தக்கவைக்க முடிந்துள்ளது.

மோடி முன்வைக்கும் கல்விக் கொள்கை 2019

இந்தச் சூழலில்தான் மத்திய அரசு கொண்டுவரத் திட்டமிடும் புதிய கல்விக் கொள்கை, பல்வேறு அச்சங்களை ஏற்படுத்தியிருக்கிறது. மெக்காலே – ராஜீவ் கல்விக் கொள்கைகளை நினைவுபடுத்தும் இக்கொள்கை, அடுத்த 20 ஆண்டுகளில் கல்வி என்னவாகும் எனும் பெருங்கவலையையும் ஏற்படுத்துகிறது. வேதகாலக் கல்வியே புனிதமானது என்றெல்லாம் சொல்வதைவிடவும், இதற்கு முன்பு யஷ்பால் குழு என்று ஒன்று இருந்ததையோ அது சுமையற்ற கற்றல் முதல், குழந்தைகள் உரிமைகளை, ஆசிரியர்களின் கடமையை உருவாக்கியதையோ கணக்கில் எடுக்கவில்லை என்பதுதான் பெரும் அதிர்ச்சி. எந்த ஒரு கல்விக் கொள்கையும் தனக்கு முன் நடந்தவற்றை, பட்டியலாகவாவது குறிப்பிட்டு அதன் தொடர்ச்சியாகத் தன்னை அறிவித்துக்கொள்ள வேண்டும் என்பதே மரபு.

இதன் முக்கிய அம்சங்கள்

1.பொருத்தமில்லாத பாடப் பொருள் மற்றும் ஊக்கமற்ற கற்பித்தல் முறை, நம் கல்வியில் முன்பிருந்த தரம் போய்விட்டது என்று சொல்லும் புதிய கல்விக் கொள்கை, இதைச் சரிசெய்ய இரண்டு வழிகளை முன்வைக்கிறது. முதலாவதாக, பழையபடி மத்தியப் பட்டியலுக்குக் கல்வி வரவேண்டும் என்கிறது. ஆனால், இது மாநிலங்களின் உரிமையைப் பறித்துவிடும் என்று குரல்கள் எழுந்திருக்கின்றன.
அடுத்து, நான்காம் வகுப்பின் முடிவிலிருந்தே தேர்ச்சி / தோல்வி என மாணவர்களைச் சலித்தெடுக்க வேண்டும் என்கிறது. இது பழையபடி பள்ளியிலிருந்து பல மாணவர்கள் வெளியேறுவதற்குத்தான் வழிவகுக்கும்.

2.திறன்களை, குறிப்பாக வேலைவாய்ப்புத் திறன்களை வளர்க்க நமது கல்வி தவறிவிட்டது; வேலைக்குத் தகுதியற்ற படித்தவர்களை உருவாக்கி வீணடித்துவிட்டது என்று சொல்லும் புதிய கொள்கை, இதைச் சரிசெய்ய திறன் மேம்பாட்டு ஆணையம் அமைத்து, பள்ளிக்கூடங்களில் தொழில்துறை தேவைகளை மனதில் வைத்து, மாணவர்களுக்குத் திறன் மேம்பாட்டுப் பயிற்சி வழங்க வேண்டும் என்கிறது. மேலும், கல்வி முழுமை பெறும் முன்னமே வேலைத் தகுதிச் சான்றிதழ் மூலம் (மாணவர்கள் விரும்பினால்) ஒன்பதாம் வகுப்போடு தொழில் துறையில் இணையலாம் என்கிறது. இது குலக் கல்விமுறையை நினைவுபடுத்துவதாகக் கல்வியாளர்கள் குற்றம்சாட்டுகிறார்கள்.

3. இந்திய அளவிலான கல்வியின் தரத்தை மேம்படுத்த, கல்வி அமைப்புகள், பள்ளிகளுக்கான தரப்பட்டியல் தயாரிக்க கல்லூரி அளவிலான தரமேம்பாட்டுக் குழு போல ஒரு அமைப்பு ஏற்படுத்தப்படும். தேசிய அளவிலான பள்ளிக் கல்வி தரச்சான்று ஆணையம் என அது அழைக்கப்படும் என்கிறது இந்த அறிக்கை. இது அரசுப் பள்ளிகளை முற்றிலும் முடங்கச் செய்துவிடும் எனும் அச்சத்தை ஏற்படுத்தியிருக்கிறது.

4.ஆசிரியர்களின் தரம் – தலைமை ஆசிரியரின் தகுதி இவற்றில் எந்த சமரசத்தையும் மோடி அரசு ஏற்றுக்கொள்ளாது. இதற்காகவே திறன் சோதனைகளுக்கு அவர்கள் உட்படுத்தப்படுவார்கள் என்று சொல்லும் இந்த அறிக்கை, குறைந்தபட்சம் ஐந்தாண்டுகளுக்கு ஒருமுறை தரச்சான்றுத் தேர்வுகளை ஆசிரியர்கள் எதிர்கொள்ள வேண்டும் என்கிறது. ஏற்கெனவே ஆசிரியர் பயிற்சிப் பட்டப் படிப்புகளுக்கு சேர ஆள் இல்லை என்பது வேறு விஷயம்.

5.மதிய உணவுத் திட்டத்திலிருந்து ஆசிரியர்களை விடுவிக்கிறது இந்தப் புதிய கொள்கை. அதேசமயம், பள்ளிகளுக்கு அரசு நேரடியாக உணவு தராது. அதற்குப் பதிலாக அவற்றைத் தர்ம அமைப்புகளிடம் (தனியார்) ஒப்படைத்துவிடும். அரசின் நலத்திட்டத்தைத் தனியாரிடம் ஒப்படைக்கும் முயற்சி இது.

6. ‘இந்திய கலாச்சாரக் கூறுகளை இன்றைய கல்வி முற்றிலும் கைவிட்டு விட்டது. இதைச் சரிசெய்ய வகுப்பில் மூன்றாவது மொழியாக சம்ஸ்கிருதம் இணைக்கப்பட்டு, ஒவ்வொரு பள்ளிக்கும் ஒரு சம்ஸ்கிருத ஆசிரியர் நியமிக்கப்படுவார்’ என்று இக்கொள்கை முன்வைக்கும் திட்டம் அப்பட்டமான காவி மயம் என்று விமர்சிக்கப்படுகிறது.

7. கோத்தாரிக் குழு இந்தியாவைச் சமூகம் என்று அழைத்தது. இந்த ஆவணமோ இந்தியப் பொருளாதாரம் என்றே அழைக்கிறது. கோத்தாரிக் குழு கல்வியை சேவை என்று அழைத்தது. மோடியின் புதிய கல்விக் கொள்கை ஆவணமோ கல்வியை முதலீடு என்கிறது. கூடவே ‘குருகுல’ மாதிரி என்பதை வருவாய் என்கிறது.

8. ”இந்தியாவின் பண்பாட்டு ஒற்றுமைக்கு உரிய மொழி” என்று சமஸ்கிருதத்தை இந்தக் கல்விக் கொள்கை கட்டாயமாக்குகிறது (4.5.14)

9. மூன்றாம் வகுப்பிலிருந்து மூன்றாவது மொழி ஒன்றை விருப்பப் பாடமாக எடுப்பதும், ஆறாம் வகுப்பிலிருந்து மூன்றாம் மொழி ஒன்றை கட்டாயமாகக் கற்பதுவும் திருத்தப்பட்ட வரைவிலும் (4.5.9) வலியுறுத்தியுள்ளது.

10. இந்தியாவின் இருபெரும் இசைகள் என்ற பெயரில் கர்நாடக இசையையும், இந்துஸ்தானி இசையையயும் மட்டுமே வகைப்படுத்தும் இக்கலிவிக் கொள்கை (4.6.2.1) , தமிழ் பண்ணிசை, சிறு பழங்குடிகளின் இனக்குழு இசைகளை ’பிற’ (Others) என புறந்தள்ளுகிறது.

11. முன்மழலை (Pre KG) வகுப்பிலிருந்து பள்ளிக் கல்வி, கல்லூரிக் கல்வி, பல்கலைக் கல்வி, உயராய்வு நிறுவனங்கள் ஆகிய அனைத்தையும் “தேசிய கல்வி ஆணையம்” (National Education Commission)- இராஷ்ட்ரிய சிக்ஷா ஆயோக் (Rashtriya Shiksha Aayoung) என்ற அதிகார கட்டமைப்பின் கீழ் இந்தக் கல்விக் கொள்கை கொண்டு செல்கிறது. (2.3.1)

ஒவ்வொரு மாநிலத்திலும் மாநில முதலமைச்சர் தலைமையில் மாநிலக் கல்வி ஆணையம் என்ற அமைப்பு இருந்தாலும், அது தேசிய  கல்வி ஆணையத்தின் முகவாண்மை அமைப்பாக மட்டுமே செயல்படும். (8.1.3.)

12. மழலையர் கல்வியிலிருந்து உயராய்வு கல்வி வரை கல்வித்  துறையின் அனைத்து நிலையிலும் கொள்கைகள் சட்டதிட்டங்கள் ஆகியவற்றை வகுப்பது இந்த “தேசிய கல்வி ஆணையத்தின்” அதிகாரத்திற்குட்பட்டது. மாநில அரசு இதன் கொள்கை செயல்திட்டங்களை செயல்படுத்த வேண்டுமே தவிர வேறு பணி எதுவும் அதற்குக் கிடையாது. (அத்தியாயம் 23)

13.மனித வள மேம்பாட்டுத்துறையை கல்வித்துறை (Ministry of Education) என்பதாக பெயர் மாற்றம் செய்ய பரிந்துரைக்கின்றது. இது பெயர் மாற்றமல்ல, இந்திய அரசு கல்வித்துறை அதிகாரத்தை கையிலெடுத்துக் கொள்ளும் அறிவிப்பெனலாம்.

14. மாநில அளவில் பள்ளிக் கல்வியை ஒழுங்கு செய்ய ஒரு “மாநிலக் கல்வி ஒழுங்காற்று ஆணையம்” (State School Regulatory Authority) அமைய வேண்மென்றும், அது தேசிய கல்வி ஆணையத்தின் முடிவுகளை செயல்படுத்தும் அமைப்பு என்றும் இந்த கல்விக் கொள்கை சொல்கிறது( 8.1.3)

15.கல்வி தொடர்பான அனைத்து அதிகாரங்களையும் இந்திய அரசு ஒன்று குவிக்க , தேசிய கல்வி ஆணையத்தின் கீழ் “தேசிய தேர்வு முகமை” (National Testing Agency) “தேசிய உயர்கல்வி ஒழுங்காற்று ஆணையம், பொதுக் கல்விக் குழு”,( General Education Council) “உயர்கல்வி நல்கைக் குழு, (Higher Education Grants Commission)  தேசிய ஆய்வு நிறுவனம் (National Research Foundation) ஆகிய  அமைப்புகள் உருவாக்கப்படுகின்றன. இதில் வெளிமாநிலத்தவர் நுழைய வாய்ப்புகள் ஏற்படுகின்றன.

16.பட்டப்படிப்பு, பட்டயப்படிப்பு ஆகியவற்றிலிருந்து உயர்கல்வி தொழிற்கல்வி ஆகிய அனைத்திற்கும் இனி அனைத்திந்திய நுழைவுத் தேர்வு உண்டு, அதற்கு தேசிய தேர்வு முகமை (national Testing Agency-NTA) உருவாக்கப்படும். (பத்தி 4.9.6) இனி பி.ஏ, பி.எஸ்.சி, பி.காம், மருத்துவம், சட்டம், பொறியியல் அனைத்திற்கும் அனைத்திந்திய நுழைவுத் தேர்வு நடைபெறும்.

17.இந்திய அரசின் அதிகாரத்தை கல்லூரி-பல்கலைக்கழகக் கல்வியில் நிலை நிறுத்துவதற்காக “தேசிய உயர்கல்வி ஒழுங்காற்று ஆணையம்” (National Higher Educational Regulatory Authority-NHERA) என்ற ஒன்றை இந்தக் கல்விக் கொள்கை முன்வைக்கிறது. (பத்தி 18.1.2)

18.இதுவரை உள்ள இந்திய மருத்துவக் கவுன்சில் அனைத்திந்திய தொழில்நுட்பக் கல்வி ஆணையம், இந்திய பார்கவுன்சில், தேசிய தொழிநுட்பக் கல்வி ஆணையம் ஆகியவை தேசிய உயர்கல்வி ஒழுங்காற்று ஆணையத்திற்கு ஆலோசனை வழங்கும் அமைப்பாக மாறும். மாநில கல்வி ஆணையத்திற்கு தனித்து முடிவெடுக்கும் அதிகாரம் எதுவுமில்லை . (18.4.2)

19.கல்வி, பல்கலைக் கழகங்களுக்கு அங்கீகாரம் வழங்க, பொதுக் கல்விக் குழு (General Educational Council) என்ற ஒன்று நிறுவப்படுமாம். இந்தக் குழு கல்லூரி மட்டுமின்றி, பள்ளியின் பாடத் திட்டத்தையும் முடிவு செய்யும்(18.3.2).

20. மேல் ஆராய்ச்சி படிப்புகள் அனைத்தையும் நிர்வாகம் செய்யும் அமைப்பாக “தேசிய ஆய்வு நிறுவனம்” அமைக்கப்படும். இனி நிறைஞர் படிப்பு (M.Phil) கிடையாது, மேல் ஆராய்ச்சி படிப்பு (Post Doctoral Fellow) மட்டுமே உண்டு, இதற்கு மாணவர்களை தேர்வு செய்வது தேசிய ஆய்வு நிறுவனத்தின் பணி.

21.மாநிலத்திலுள்ள பல்கலைக்கழகங்கள், உயராய்வு நிறுவனங்கள் ஆகியவற்றிற்கு அதிகாரம் வழங்கும் அதிகாரம், தேசிய ஆய்வு நிறுவனத்திற்கே உண்டு. மாநில அரசுக்கு இதில் எந்தப் பங்கும் இல்லை. (10.9)

22. தனியார் பல்கலைக்கழகங்கள், வெளிநாட்டு பலகலைக்கழகங்களோடு கூட்டு வைத்து “கல்வித் தொழில்” செய்யலாம். (12.4.3)

வெளிநாட்டுப் பல்கலைக்கழகங்கள் இந்தியாவுக்குள் கடை விரிக்கலாம்.(12.4.11)

23.B.A.,B.Sc உள்ளிட்ட அனைத்து உயர்கல்வி படிப்புகளுக்கும் தேசிய அளவிலான தகுதித்தேர்வு; கல்விக்கட்டணம், ஆசிரியர் நியமனம், புதிய கல்லூரிகள் ஆரம்பிப்பது ஆகியவற்றிக்கு அரசின் ஒப்புதல் தேவையில்லை, கல்லூரி நிர்வாகமே தீர்மானித்துக் கொள்ளலாம்; திறமை அடிப்படையில் ஆசிரியர் பணி நியமனம்; டாடா, அதானி, அம்பானி, பில்கேட்ஸ், மார்க் சுகர்பர்க் போன்ற ‘தனியார் கொடை வள்ளல்கள்’ கல்வித் தொழில் தொடங்க முன்னுரிமை; தனியார் கல்லூரிகளையும் அரசு கல்லூரிகளையும் சமமாக அணுகுதல் போன்ற பரிந்துரைகளை வரைவு அறிக்கை முன்வைத்துள்ளது.
மெக்காலேவுக்குத் தேவைப்பட்டது பிரிட்டிஷ் காலக் கணக்காளர்கள்; ராஜீவ் காந்திக்குத் தேவைப்பட்டது பில்கேட்ஸின் வேலையாட்கள்; மோடியின் தேவை மேலும் மாறுபட்டது. அவ்வளவே. கடந்த பல பத்தாண்டுகளில் கடும் போராட்டங்கள், சோதனைகளுக்கிடையில் உருவான ஏகலைவர்களின் கட்டை விரல்களைத் துண்டாடிய குருதியில் தான் இக்கல்விக் கொள்கை எழுதப் பட்டுள்ளது.

1994-ம் ஆண்டு இந்தியா கையொப்பமிட்ட காட்ஸ் ஒப்பந்தத்தின் நீட்சியே இந்தப் புதிய கல்விக் கொள்கை. அரசு வழங்குகிற சேவைகளில் தடையற்ற பன்னாட்டு வர்த்தகத்தை ஊக்குவிக்க வேண்டும் என்பதுதான், காட்ஸ் ஒப்பந்தத்தின் அடிப்படை. அந்த வரிசையில் கல்வியை சர்வதேசச் சந்தைக்குத் திறந்து விடுவதற்கான ஓர் ஒப்புதல் ஆவணம்தான் இந்தப் புதியக் கல்விக் கொள்கை. பள்ளி மற்றும் உயர் கல்வியை பன்னாட்டு கார்ப்ரேட் நிறுவனங்களின் சந்தைக்காக திறந்துவிடுவதற்கான ஏற்பாடுதான் இது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

சிலியில் உள்ள அடகாமா பாலைவனம்

சிலியில் உள்ள அடகாமா பாலைவனம் உலகின் வறட்சியான பகுதிகளில் ஒன்று. தென் அமெரிக்க கண்டத்தில் இது அமைந்துள்ளது. இருந்தாலும் பசிபிக் பெருங்கடலில் இருந்து வீசும் மூடுபனியால் சில இடங்களில் ஓரளவு ஈரப்பதம் நிலவுகிறது.

இந்த ஈரப்பதத்தையே இந்த பாலைவனத்தின் அருகில் வாழும் மக்கள் குடிநீராக மாற்றிப் பயன்படுத்துகிறார்கள். இதற்காக அவர்கள் எளிய தொழில்நுட்பம் ஒன்றை பயன்படுத்துகிறார்கள். தங்கள் வீடுகளின் கூரையிலும், மலை உச்சியிலும் ராட்சத பேனர்கள்போல தடுப்புபலகை அமைக்கிறார்கள். இதில் மோதும் மூடுபனி, நீர்த்திவலையாக மாற்றமடைந்து வடிகிறது.

அரசாங்கம் மலைகளில் ஏராளமான தடுப்பு பலகை அமைத்து நீரை வடிக்கிறது. இந்த வகையில் தினமும் சுமார் 10 ஆயிரம் லிட்டர் தண்ணீர் வரை சேகரித்து அருகில் உள்ள கிராமங் களுக்கு குடிநீராக விநியோகிக் கப்படுகிறது. இதற்காக மலையில் இருந்து கீழ்நோக்கி தண்ணீர் வடிகுழாய்கள் அமைக்கப்பட்டு உள்ளன. இதுவே அவர்களின் கடுமையான தண்ணீர் தட்டுப்பாட்டிற்கு சிறந்த வடிகாலாக விளங்குகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

புதுமை விஞ்ஞானி

அறிவியல் உங்களுக்கு விருப்பமான பாடமா? இங்கே ஒரு விஞ்ஞானியைப் பற்றிய குறிப்புகள், விடுகதைபோல கொடுக்கப்படுகிறது. அவற்றைக்கொண்டு அந்த விஞ்ஞானியை உங்களால் அடையாளம் காண முடிகிறதா? அவரைப் பற்றிய முக்கிய குறிப்புகள் உங்களுக்குத் தெரியுமா?

விஞ்ஞானி விடுகதை:

* நான் எம்.ஜி.கே. என்று பிரபலமாக அறியப்படுகிறேன்.

* குழந்தைகள் ‘கோகு தாத்தா’ என்று செல்லமாக அழைத்தார்கள்.

* நான் ஒரு விஞ்ஞானி என்றாலும் கல்வி பயிற்றுவிப்பாளராக, சுற்றுச்சூழல் ஆர்வலராகவும் அறியப்படுகிறேன்.

* ஆற்றல் துகள்கள் ஆய்வில் ஈடுபட்டேன்.

* நீருக்கு அடியில் இருந்து நீர்மின்சாரம் உற்பத்தியாகும் சிறப்பு அணை திட்டத்தை நிர்மாணித்து புகழ்பெற்றேன்.

விடை:

பேராசிரியர் மாம்பில்லிகலத்தில் கோவிந்த குமார் மேனன்.

வாழ்க்கை குறிப்புகள்:

* கோவிந்த குமார் மேனன், மங்களூருவில் 1928-ம் ஆண்டு ஆகஸ்டு 28-ந்தேதி பிறந்தார்.

* வித்தியாசமான திறமைகள் கொண்ட விஞ்ஞானி இவர்.

* 1966-ம் ஆண்டு அவர் டி.ஐ.எப்.ஆர். அமைப்பின் இயக்குனராக பொறுப்பேற்றார்.

* அப்போது பிளாஸ்டிக் பலூன்களை காமா கதிர் ஆராய்ச்சிக்காக விண்ணுக்கு அனுப்பினார். அவை ஸ்டிரடோஸ்பியர் அடுக்கில் மிதந்தபடி ஆராய்ச்சி செய்தது. அது இந்தியாவின் விண்வெளி ஆய்வு வரலாற்றின் சிறப்பான கட்டமாக போற்றப்பட்டது.

* அவர் கர்நாடகாவில் உள்ள கோலார் தங்க சுரங்கத்திற்குள், நிலத்தடி இயற்பியல் ஆய்வு கூடத்தையும் உருவாக்கி சாதனை படைத்தார். இங்கு மியூசான், நியூட்ரினோ போன்ற ஆற்றல் துகள்கள் பற்றி குறிப்பிடத்தக்க ஆய்வுகள் நடத்தினார்.

* மேலும் கேரளாவின் அமைதி பள்ளத்தாக்கில் தண்ணீருக்கு அடியில் இருந்து நீர்மின்சாரத்தை உற்பத்தி செய்யும், நீர்மின் அணை திட்டத்தை செயல்படுத்தி காட்டினார். இந்த முயற்சியை அப்போது பிரதமராக இருந்த இந்திராகாந்தி, மேனன் சுற்றுச்சூழலியலாளர்களின் அன்புக்குரியவர் என்று புகழ்ந்தார்.

* 1971-78-ல் எலக்ட்ரானிக்ஸ் துறையின் செயலாளராக பொறுப்பு வகித்தபோது ஐ.பி.எம். நிறுவனம் இந்தியாவில் கால்பதிக்க தீவிர முயற்சி செய்தார். அது தகவல்தொழில்நுட்ப வளர்ச்சிக்கு அடிகோலியதாக அமைந்தது.

* உயர் ஆற்றல் இயற்பியல், மின்னணுவியல், அணுசக்தி, விண்வெளி, சுற்றுச்சூழல் மற்றும் உயிரி தொழில்நுட்பம் போன்ற வேறுபட்ட பல அறிவியல் துறைகளில் ஏறத்தாழ சம அளவிலான சாதனைகளை படைத்தார். அத்தகைய அசாத்திய பல்துறை அறிவியல் மதிநுட்பத்தை அவர் பெற்றிருந்தார்.

* அறிவியல் இதழியலாளராகவும் திகழ்ந்தார். பல்வேறு அறிவியல் கட்டுரைகளை எழுதி உள்ளார். அறிவியல் சொற்பொழிவும் நிகழ்த்தி உள்ளார்.

* 1985-ல் பத்மவிபூஷண், 1968-ல் பத்மபூசண் விருதுகளை பெற்றார். மேலும் பல்வேறு கவுரவங்களையும் பெற்றிருக்கிறார்.

* அவர் தனது 88 வயதில், கடந்த 2016-ம் ஆண்டு நவம்பர் 22-ந்தேதி இயற்கை எய்தினார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பொது அறிவு குவியல் - வினாவங்கி

1. ஐக்கிய நாடுகள் அவையின் சுற்றுச்சூழல் திட்டத்தின் ‘எமிசன்ஸ் கேப் ரிப்போர்ட்’ ஆய்வறிக்கை எந்த ஆண்டில் பூமியின் வெப்பநிலை 3.2 டிகிரி உயரும் என்று கூறி உள்ளது?

2. இந்தியா சமீபத்தில் எந்த நாட்டுடன் பாதுகாப்பு தொழில்நுட்ப தொழில்துறை திறன் ஒத்துழைப்பு குறித்த புரிந்துணர்வு ஒப்பந்தம் செய்துள்ளது?

3. இந்தியன் வங்கி, விஜயா வங்கி, தேனா வங்கி இவற்றில் எந்த வங்கி மற்றொரு பெரிய வங்கியுடன் இணைக்கப்படவில்லை?

4. 2019-ல் கோல்டன் குளோப் விருது பெற்ற சிறந்த நாடகம் எது?

5. பிரதமமந்திரியின் ஜன் ஆரோக்கிய யோஜனா திட்டத்தை கைவிட முடிவு செய்த மாநில அரசாங்கம் எது?

6. இந்தியாவின் ஒரே கம்பியிலான மிகநீண்ட தொங்கு பாலம் எந்த மாநிலத்தில் திறக்கப்பட்டு உள்ளது?

7. எந்த இந்திய மாநிலம் பொருளாதாரத்தில் பின்தங்கிய பொதுப் பிரிவினருக்கு 10 சதவீத இட ஒதுக்கீட்டை முதன் முதலில் அமல்படுத்தியது?

8. இந்தியாவின் முதல் தேசிய சினிமா அருங்காட்சியகம் எங்கு திறக்கப்பட்டு உள்ளது?.

9. ஒருநாள் கிரிக்கெட் போட்டியில் மிக வேகமாக 100 விக்கெட்டுகளை வீழ்த்தியவர் யார்?

10. ஐக்கிய நாடுகளின் மேம்பாட்டு திட்டம் (UNDP) எந்த நாட்டில் புதிய ஆய்வக கிளையை தொடங்கி உள்ளது?.

11. பலுசிஸ்தானில் பேசப்படும் ஒரு மொழி திராவிட மொழி குடும்பத்தை சார்ந்தது என்று கால்டுவெல் கூறி உள்ளார், அது எந்த மொழி?

12. 23½ டிகிரி தென் அட்சக்கோடு எப்படி அழைக்கப்படுகிறது?

13. பஞ்சாபின் தாரிவாலில் எந்தவிதமான தொழிற்சாலைகள் மிகுதியாக உள்ளன?

14. இந்தியாவில் முதல் ஐ.எஸ்.டி. அழைப்பு எங்கிருந்து, எந்த நாட்டிற்கு செய்யப்பட்டது?

15. அரிசி, சணல், கடுகு இவற்றில் எது கோடைகால பயிர் அல்ல?

16. சட்ட மேலவை உறுப்பினருக்கான குறைந்தபட்ச வயது வரம்பு என்ன?

17. இந்திய உச்சநீதிமன்றம் எந்த சட்டத்தின் கீழ் உருவாக்கப்பட்டது?

18. அந்நிய செலாவணி மற்றும் கடன்களை கட்டுப்படுத்தும் அதிகாரம் கொண்ட அமைப்பு எது?

19. ஒரு கியூபிட் அலகு என்பது எத்தனை அங்குலம் கொண்டது?

20. அணுவில் அணுக்கரு மாற்றம் ஏற்படும்போது உருவாகும் கதிர்கள் எவை?

21. தனிமங்களை அணு எண் அடிப்படையில் வரிசைப்படுத்தியவர் யார்?

22. நிலக்கரி சுரங்க விபத்துகள் ஏற்பட காரணமாக இருக்கும் வாயு எது?

23. பொதிகை மலையை ஆண்ட அரசன் யார்?

24. பிளாஸ்டர் ஆப் பாரிஸ் இறுகிவிட காரணம் என்ன?

25. குளத்தில் வாழும் தாவரங்கள் எப்படி அழைக்கப்படும்?

விடைகள்

1. 2021-ல், 2. யுனைட்டட் கிங்டம், 3. இந்தியன் வங்கி, 4. போகிமெய்ன் ராப்சோடி, 5. மேற்கு வங்காளம், 6. அருணாசலபிரதேசம், 7. குஜராத், 8. மும்பை, 9. முகமது ஷமி, 10. இந்தியாவில், 11. பிராகுய், 12. மகர ரேகை, 13. கம்பளி, 14. மும்பையிலிருந்து இங்கிலாந்தின் லண்டன் நகருக்கு, 15. கடுகு, 16. 30, 17. ஒழுங்குமுறை சட்டம், 1773., 18. ரிசர்வ் வங்கி, 19. 18 அங்குலம், 20. காமா கதிர்கள், 21. மோஸ்லே, 22. மீத்தேன், 23. நள்ளி, 24. நீர் வெளியேற்றம், 25. லிம்னோபைட்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

குடியுரிமை சட்டத்திருத்த மசோதா

மியான்மாரில் இருந்து மத ரீதியான ஒடுக்குமுறைகளுக்கு பயந்து, ரோஹிங்கியா அகதிகள் தப்பித்து செல்கின்றனர்.

மசோதாவை எதிர்த்து கவுகாத்தியில் மாணவர்கள் போராட்டம்.
குடியுரிமை சட்டத்திருத்த மசோதா, பா.ஜ.க.வின் நோக்கங்களை பற்றிய விவாதத்தை தோற்றுவித்துள்ளது. மத வேறுபாடின்றி, அனைத்து குடிமக்களுக்கும் சமமான உரிமைகளை பா.ஜ.க. அளிக்குமா என்பது விவாதப்பொருளாகியுள்ளது.

மக்களவையில் டிசம்பர் 9-ந் தேதி, குடியுரிமை சட்டத்திருத்த மசோதா 2019, காங்கிரஸ் மற்றும் திரிணாமுல் காங்கிரஸ் கட்சிகளின் தலைமையில் எழுந்த பலத்த எதிர்ப்புகள் மற்றும் கூச்சல்களிடையே நிறைவேறியது. மாநிலங்களவையில் டிசம்பர் 11-ந் தேதி நிறைவேற்றப்பட்டது. மக்களவை மற்றும் மாநிலங்களவை விவாதங்களில் பங்கேற்ற உள்துறை மந்திரி அமித்ஷா, இந்த மசோதா பல லட்சம் அகதிகளுக்கு நிம்மதி அளித்து, அவர்களை நரக வாழ்க்கையில் இருந்து விடுவிக்கும் என்றார்.

ஐக்கிய முற்போக்கு கூட்டணியை சேர்ந்த தமிழக அரசியல் கட்சிகளான தி.மு.க. மற்றும் காங்கிரஸ் ஆகியவை இலங்கை உள்நாட்டு போரின் போது, அங்கிருந்து புலம் பெயர்ந்த தமிழ் அகதிகள் இந்த மசோதாவில் சேர்க்கப்படாததை எதிர்க்கின்றனர். சினிமா நட்சத்திர அரசியல்வாதியான, மக்கள் நீதி மய்யத்தை சேர்ந்த கமல்ஹாசன் மற்றும் ஆன்மிக குரு ஸ்ரீஸ்ரீ ரவிசங்கர் ஆகியோர், தமிழ் அகதிகள் ஏன் புறக்கணிக்கப்பட்டுள்ளனர் என்று கேட்கின்றனர்.

பா.ஜ.க.வின் கூட்டணி கட்சியான அ.தி.மு.க. இந்த மசோதா இலங்கை தமிழர் நலன்களை பாதிக்காது என்று கூறி இதை ஆதரித்தது.

அகதிகளாக உள்ள இலங்கை தமிழர்களின் நிலைமை பற்றி மாநிலங்களவையில் பேசிய உள்துறை மந்திரி, அவர்களின் பிரச்சினை தனியாக பரிசீலனை செய்யப்படும் என்றார். பல்வேறு அரசுகளினால், லட்சக்கணக்கான அகதிகளுக்கு குடியுரிமை வழங்கப்பட்டுள்ளது. 2 லட்சத்திற்கும் அதிகமான அகதிகள் இலங்கைக்கு திரும்பிச் சென்றுள்ளனர்.

திருத்தப்பட்ட சட்டம், உரிய ஆவணங்கள் இன்றி இங்கு சட்ட விரோதமாக குடியேறிய முஸ்லிம் அல்லாதவர்களுக்கு, சட்டப்படியான குடியுரிமை அளிக்க வகை செய்கிறது. ஆனால் அவர்கள் பாகிஸ்தான், வங்கதேசம் மற்றும் ஆப்கானிஸ்தானில் இருந்து மதரீதியான ஒடுக்குமுறைகளின் காரணமாக வெளியேறியவர்களாக இருக்க வேண்டும். இந்திய குடியுரிமை பெற, அவர்கள் இந்தியாவில் வசித்து வந்த கால அவகாசம் 11 வருடங்களில் இருந்து 5 வருடங் களாக குறைக்கப்படுகிறது.

இந்த மசோதா பிரிவு 7-ன் கீழ் (டி) என்ற உட்பிரிவை சேர்க்க வகை செய்கிறது. இதன் மூலம் குடியுரிமை சட்டம் மற்றும் இதர சட்டங்களை மீறும் ஓ.சி.ஐ அட்டைதாரரின், வெளிநாட்டு வாழ் இந்திய குடிமகன் என்ற உரிமையை (ஓ.சி.ஐ) ரத்து செய்ய வகை செய்கிறது.

குடியுரிமை சட்டத்திருத்த மசோதாவை தாக்கல் செய்த அமித்ஷா, பாகிஸ்தான், வங்கதேசம், ஆப்கானிஸ்தான் போன்ற முஸ்லிம்கள் பெரும்பான்மையாக உள்ள நாடுகளில், முஸ்லிம் அல்லாதவர்கள், மதவெறியர்களினால் ஒடுக்கப்படுவதை பார்த்துக்கொண்டு இந்தியா சும்மா இருக்காது என்று வெளிப்படையாக கூறினார். இந்நாடுகளில் இருந்து வரும் முஸ்லிம்களை இதில் சேர்க்கப்படாததற்கு, முஸ்லிம்கள் பெரும்பான்மையினராக உள்ள நாடுகளில், முஸ்லிம்கள் ஒடுக்கப்படுவதில்லை என்பதை காரணமாக கூறினார்.

இப்போது ஏன் இந்த சட்டத்திருத்தம்?

2019 மக்களவை தேர்தலில் அளித்த வாக்குறுதிகளை நிறைவேற்ற மோடி-அமித்ஷா குழுவினர் அனைத்து முயற்சிகளையும் மேற்கொள்கின்றனர் என்று அரசியல் பார்வையாளர்கள் கருதுகின்றனர். காஷ்மீருக்கு சிறப்பு அந்தஸ்து அளிக்கும் அரசியல் சட்டப்பிரிவு 370-ஐ நீக்கியது இதில் முதல் படியாகும். குடியுரிமை சட்டத்திருத்தம் பற்றிய வாக்குறுதியை 2019 தேர்தலில் மட்டுமில்லாமல், 2014 பொதுத்தேர்தலின் போதும் பா.ஜ.க. அளித்துள்ளதை இவர்கள் சுட்டிகாட்டுகின்றனர். டிசம்பர் முதல் வாரத்தில் கூட்டப்பட்ட பா.ஜ.க. நாடாளுமன்ற உறுப்பினர்கள் கூட்டத்தில் பேசிய பாதுகாப்புத்துறை மந்திரி ராஜ்நாத் சிங், இந்த மசோதா மோடி அரசின் முக்கிய நோக்கமாக, அரசியல் சட்டப்பிரிவு 370-ஐ ரத்து செய்தற்கு இணையான முக்கியத்துவம் இதற்கும் உள்ளது என்று கூறியதாக சொல்லப்படுகிறது. “மதவாத அண்டை நாடுகளில் சிறுபான்மையினர் தொடர்ச்சியாக ஒடுக்குமுறைகளுக்கு ஆளாக்கப்படுவதால், அவர்கள் இந்தியாவில் அடைக்கலம் தேடுகின்றனர். ஆறு சிறுபான்மையினருக்கு இந்திய குடியுரிமை வழங்குவது ‘சர்வ தர்ம சாம்பவ்’ என்ற கொள்கையை வலுப்படுத்தும்” என்றார்.

குடியுரிமை சட்டத்திருத்த மசோதா, குடியுரிமை சட்டம் 1955, கடவுச்சீட்டு சட்டம், வெளிநாட்டினர் சட்டம் ஆகியவற்றில் உரிய மாற்றங்களை ஏற்படுத்தும் என்று எதிர்பார்க்கப்படுகிறது. இதன் மூலம் சட்ட விரோதமாக இந்தியாவில் குடியேறியுள்ள, பாகிஸ்தான், வங்கதேசம் மற்றும் ஆப்கானிஸ்தான் ஆகிய நாடுகளைச் சேர்ந்த இந்துக்கள், சீக்கியர்கள், புத்த மதத்தினர், சமணர்கள், பார்சீக்கள் மற்றும் கிறிஸ்தவர்கள் போன்ற முஸ்லிம் அல்லாத சிறுபான்மையினருக்கு இந்திய குடியுரிமை அளிக்க வகை செய்யப்பட்டுள்ளது. இந்த சட்டவிரோத குடியேறிகளை சிறையில் அடைத்து, நாடு கடத்த பயன்படும் சட்டங்களை, இந்த சட்டத்திருத்தம் ரத்து செய்கிறது.

இந்த மசோதாவை எதிர்ப்பவர்கள், பாகிஸ்தான், வங்கதேசம் மற்றும் ஆப்கானிஸ்தானில் இருந்து வரும் அகதிகள் அனைத்து மதத்தை சேர்ந்தவர்களாகவும், அந்நாடுகளில் ஒடுக்குமுறைக்கு ஆட்படும் சில முஸ்லிம் உட்பிரிவினராகவும் இருக்கக்கூடும் என்று கூறி, இதை கடுமையாக எதிர்க்கின்றனர். “குடியுரிமை சட்டத்திருத்த மசோதா 2019-ல் முஸ்லிம் அகதிகளை சேர்க்காமல் இருப்பது, சாதி, மத, இன அடிப்படையில் பேதம் பார்க்காமல், அனைவருக்கும் சம உரிமைகளை அளிக்கும் இந்திய அரசியல் சட்டத்தின் 14-ம் பிரிவுக்கு முரணானது” என்கின்றனர்.

இந்திய வாக்காளர்களை மேலும் பிளவுபடுத்தி, அதன் மூலம் இந்துத்துவ சித்தாந்தத்தின் அடிப்படையில் இயங்கும் நாடாக இந்தியாவை இறுதியில் மாற்ற, பா.ஜ.க.வின் பின்னணியில் இயங்கும் ஆர்.எஸ்.எஸ். அமைப்பின் தந்திரம் இது என்று இதை எதிர்க்கும் அரசியல் தலைவர்கள் கூறுகின்றனர்.

குடியுரிமை பெற மதம் ஒரு அடிப்படையாக இருக்க முடியாது என்ற இந்தியாவின் அடிப்படை கருத்தியலை இது நசுக்குகிறது என்று காங்கிரஸ் கட்சியை சேர்ந்த மக்களவை உறுப்பினர் சசிதரூர், இந்த மசோதாவை எதிர்த்து பேசும் போது கூறினார்.

முன்னர் இருந்த சட்டத்தின்படி, இந்திய குடியுரிமை வேண்டி விண்ணப்பிக்கும் நபர், கடந்த எட்டு ஆண்டுகளில், குறைந்தது 6 ஆண்டுகள் இந்தியாவில் வசித்திருக்க வேண்டும். இயல்புரிமை மூலம் குடியுரிமை பெற விரும்பும் நபர், மொத்தமாக 11 ஆண்டுகள் இந்தியாவில் வாழ்ந்திருக்க வேண்டும்.

குடியுரிமை பெற, டிசம்பர் 31, 2014-க்கு முன்பு இந்தியாவிற்கு வந்திருக்க வேண்டும். பிறப்பு சான்றிதழ் இல்லாதவர்கள், இங்கு ஆறு வருடங்கள் வசித்த பின், குடியுரிமைக்கு விண்ணப்பிக்க முடியும்.

அசாம் மற்றும் வட கிழக்கில் இதர சில பகுதிகளில், இதை எதிர்த்து உருவான போராட்டங்களில் வன்முறை வெடித்தது. 1971 முதல் இந்த மாநிலங்களுக்கு, முக்கியமாக அசாம் மாநிலத்திற்கு புலம் பெயர்ந்துள்ள வங்கதேச இந்து அகதிகளுக்கு இந்திய குடியுரிமை அளிக்க இந்த மசோதா வகை செய்யும் என்று இவர்கள் அஞ்சுகின்றனர்.

உள்ளூர் வளங்கள் மற்றும் அரசு அளிக்கும் சேவைகளை பெற, இந்த அகதிகள், பூர்வீக மக்களுடன் போட்டியிடுவதால், இந்த அச்சம் ஏற்பட்டுள்ளது. அசாம் மாநிலத்தில் தேசிய குடிமக்கள் பதிவேடு இறுதி செய்யப்பட்ட பின், குடியுரிமைக்கான ஆதாரங்கள் இல்லாததால் 19 லட்சம் மக்கள் அதில் இடம் பெறவில்லை. இவர்களில் பல லட்சம் பேர், வங்கதேசத்தில் இருந்து வெளியேறிய வங்காளி இந்துக்கள். இவர்களின் வருகையால் அம்மாநிலங்களில் மக்கள் தொகையின் பிரிவுகளில் பெரும் மாறுதல்கள் ஏற்பட்டுள்ளது. இதுவும் இந்த அச்சம் அதிகரிக்க ஒரு காரணமாகும்.

காங்கிரஸ் மற்றும் திரிணாமுல் காங்கிரஸ் கட்சிகளின் தலைமையில் இந்த சட்டத்திருத்த மசோதாவை எதிர்ப்பவர்கள் குழுவை, தி.மு.க, ஆர்.ஜே.டி, பி.டி.பி, சமாஜ்வாடி கட்சி, பி.ஜே.டி. மற்றும் அசாதீன் ஓவைசியின் ஏ.ஐ.எம்.ஐ.எம் மற்றும் இடதுசாரி கட்சிகள் ஆதரிக்கின்றன.

இந்த மசோதாவை ஆதரிப்பவர்களில், பா.ஜ.க.வின் பிராந்திய கூட்டாளிகளான அசாமின் ஏ.ஜி.பி, அகாலிதளம், ஜனதா தளம்(யு), அ.தி.மு.க மற்றும் சிவசேனா ஆகிய கட்சிகளும் அடக்கம். சில சட்டப்பிரிவுகளில் முரண்பட்டாலும், இவை மசோதாவிற்கு ஆதரவளித்தன. மாநிலங்களவையில் வாக்கெடுப்பின் போது, சிவசேனா வெளிநடப்பு செய்தது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தெற்காசிய விளையாட்டுப் போட்டி: 174 தங்கம் உள்பட 312 பதக்கங்களுடன் இந்தியா சாதனை: கடந்த போட்டியை விடகூடுதல் பதக்கம்

• தெற்காசிய விளையாட்டுப் போட்டியில் 174 தங்கப் பதக்கத்துடன், மொத்தம் 312 பதக்கங்களை கைப்பற்றி இந்தியா புதிய சாதனையுடன் முதலிடத்தைப் பெற்றுள்ளது. 
• இது முந்தைய 2016 போட்டிகளைக் காட்டிலும் 3 பதக்கங்கள் கூடுதலாகும். நேபாளத் தலைநகா் காத்மாண்டு, பொக்ராவில் 13-ஆவது தெற்காசிய விளையாட்டுப் போட்டிகள் கடந்த 1-ஆம் தேதி தொடங்கி நடைபெற்றது. 
• இதில் இந்தியா, பாகிஸ்தான், வங்கதேசம், நேபாளம், இலங்கை, மாலத்தீவுகள், பூடான் உள்ளிட்ட 7 நாடுகளைச் சோ்ந்த 2700-க்கு மேற்பட்ட வீரா், வீராங்கனைகள் 27 விளையாட்டுப் பிரிவுகளில் பங்கேற்று போட்டியிட்டனா். 
• முதல் இரண்டு நாள்கள் நேபாள அணியினா் ஆதிக்கம் செலுத்தி, பதக்கப் பட்டியலில் முன்னிலை வகித்தனா். அதன் பின் வழக்கம் போல், இந்தியா தொடா்ந்து அதிக தங்கப் பதக்கங்களை கைப்பற்றி, முதலிடத்தை கைப்பற்றியது. 
•  இந்திய அணி தொடா்ந்து 13-ஆவது முறையாக தெற்காசிய போட்டியில் முதலிடத்தைப் பெற்றுள்ளது. 
• தற்போதைய போட்டியில் 174 தங்கம், 93 வெள்ளி, 45 வெண்கல பதக்கங்களுடன் மொத்தம் 312 பதக்கங்களை குவித்தது. கடந்த 2016 போட்டியில் மொத்தம் 309 பதக்கங்களை கைப்பற்றியிருந்தது இந்தியா. 
• தற்போது 2 தங்கம் கூடுதலாக வென்றுள்ளது. 2016-இல் 172 தங்கம், 93 வெள்ளி, 45 வெண்கலப் பதக்கங்களை வென்றிருந்தது இந்தியா. நேபாளம் 51 தங்கம், 60 வெள்ளி, 95 வெண்கலத்துடன் 206 பதக்கங்களுடன் இரண்டாவது இடத்திலும், இலங்கை 40 தங்கம், 83 வெள்ளி, 128 வெண்கலத்துடன் 251 பதக்கங்களுடன் மூன்றாவது இடத்தையும் பெற்றன. 
• பாகிஸ்தான் 31 தங்கம், 41 வெள்ளி, 59 வெண்கலத்துடன் 131 பதக்கங்களுடன் நான்காவது இடத்தைப் பெற்றது. 
• வங்கதேசம் 19 தங்கம் உள்பட 138 பதக்கங்களையும், மாலத்தீவு 1 தங்கத்துடன் 5 பதக்கங்களையும், பூடான் 20 பதக்கங்களுடன் கடைசி இடத்தையும் பெற்றன. 
• ஹுஷு, நீச்சல், வாலிபால், கூடைப்பந்து, கால்பந்து, கபடி, டேபிள் டென்னிஸ், பாட்மிண்டன், டேக்வாண்டோ, ஸ்குவாஷ், உள்பட பல்வேறு விளையாட்டுகளில் இந்தியா ஆதிக்கம் செலுத்தியது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

விடுதலைப் போரின் வீர மங்கைகள்

இந்திய விடுதலைப் போராட்டத்தில் பெண்களும் பெருந்திரளாகப் பங்கேற்றனர். அகிம்சைப் போராட்டம் மட்டுமல்லாமல் ஆயுதமேந்திய போராட்டங்களிலும் பெண்கள் பலர் பங்கேற்று உயிர்த்தியாகம் செய்துள்ளனர். கொடுமையான தண்டனைகளையும் பெற்றுள்ளனர். அப்படிப்பட்டவர்களில் முக்கியமான சிலர்:

உஷா மேத்தா

குஜராத்தில் பிறந்த இவர் 1928-ல் சைமன் கமிஷனை எதிர்த்து நடந்த போராட்டத்தில் பங்கேற்று ‘சைமன் வெளிய போ’ என்று முழக்கம் எழுப்பிய போது, இவருடைய வயது எட்டு. காந்திய வழியில் போராடிய இவர் ‘வெள்ளையனே வெளியேறு’ இயக்கத்தின்போது நண்பர்கள் சிலருடன் சேர்ந்து ‘காங்கிரஸ் ரேடியோ’ என்ற ரகசிய வானொலி ஒலிபரப்பைத் தொடங்கினார். இதற்காகச் சிறைக்குச் சென்றவர் 1946-ல் விடுதலையானார்.

துர்காவதி தேவி

1907-ல் வங்கத்தில் பிறந்து விடுதலைக்காக ஆயுதமேந்திப் போராடியவர். 1928-ல் பிரிட்டிஷ் அதிகாரி ஜான் பி.சாண்டர்ஸைக் கொன்றபின் பகத் சிங், ராஜகுரு ஆகியோர் காவல் துறையிடமிருந்து தப்பிக்க இவர் உதவினார். அதன் பிறகு ஹெய்லி பிரபுவைக் கொல்ல முயன்றதற்காக மூன்றாண்டு சிறைத் தண்டனை பெற்றார்.

சுனிதி செளத்ரி

இவரும் சாந்தி கோஷ் என்பவரும் வங்கத்தில் கொமில்லா மாவட்ட மாஜிஸ்திரேட் சார்லஸ் ஸ்டீவன்ஸை 1931-ல் சுட்டுக் கொன்றதற்காகச் சிறைக்குச் சென்றனர். அப்போது சுனிதிக்கு வயது 14, சாந்திக்கு 15. ஆங்கிலேய அரசுடன் பேச்சுவார்த்தை நடத்தி 1942-ல் இருவரையும் விடுவிக்கச் செய்தார் காந்தி.

பீனா தாஸ்

1911-ல் கொல்கத்தா வில் பிறந்தவர். 1932 பிப்ரவரி 6 அன்று கொல்கத்தா பல்கலைக் கழகத்தில் ஒரு விழாவில் பங்கேற்ற ஆங்கிலேய அரசின் வங்க ஆளுநர் ஸ்டான்லி ஜாக்ஸனைச் சுட்டுக் கொல்ல முயன்றதற்காகச் சிறைத் தண்டனை கிடைத்தது. 1939-ல் விடுதலையான பின் காங்கிரஸ் கட்சியில் சேர்ந்தார். ‘வெள்ளையனே வெளியேறு’ இயக்கத்தில் பங்கேற்று 1942 முதல் 45 வரை சிறையில் அடைக்கப்பட்டார். இவருடைய அக்கா கல்யாணி தாஸும் விடுதலைப் போராட்ட வீராங்கனையே.

ராணி காயிதின்ல்யு

மணிப்பூரில் இருந்த ‘ஹெராகா’ என்ற மத அமைப்பில் சேர்ந்தார். அந்த அமைப்பு மணிப்பூர் உள்ளிட்ட நாகா பகுதிகளிலிருந்து ஆங்கிலேயர்களை விரட்டி அடிப்பதற்கான அரசியல் இயக்கமாக உருப்பெற்றது. விடுதலைப் போராட்டத்தில் மிகத் தீவிரமாகப் பங்கேற்ற காயிதின்ல்யு, 1932-ல் தனது 16-வது வயதில் ஆயுள் தண்டனை பெற்றார். 1947-ல் நாடு விடுதலை பெற்ற பிறகு விடுவிக்கப்பட்டார். இவருக்கு ‘ராணி’ என்ற பட்டத்தை நேரு வழங்கினார்.

அக்கம்மா செரியன்

திருவிதாங்கூர் சமஸ் தானத்தில் பிறந்தவர். 1938-ல் தனது ஆசிரியப் பணியை ராஜினாமா செய்துவிட்டு காங்கிரஸ் கட்சியில் இணைந்து விடுதலைப் போராட்டத்தில் பங்கேற்றார். கட்சிக்குத் தடை விதிக்கப்பட்டதை எதிர்த்து 20,000 பேர் கொண்ட பேரணியை வழிநடத்தினார். ஆங்கிலேயக் காவலர்கள் துப்பாக்கிச் சூடு நடத்தத் தயாரானபோது, “என்னை முதலில் சுடுங்கள்” என்று துணிச்சலாக முன்வந்தார். இதையறிந்த காந்தி, இவரை ‘திருவிதாங்கூரின் ஜான்சிராணி’ என்று புகழ்ந்தார்.

கமலாதேவி சட்டோபாத்யாயா

மங்களூருவில் பிறந்த இவர் 1919-ல் 16 வயதில் விதவையானார். அன்றைய சமுதாயத்தின் கடும் எதிர்ப்பை மீறி ஹரீந்திரநாத் என்ற கலைஞரை மணந்து அவருடன் லண்டனில் குடியேறினார். காந்தியின் ‘ஒத்துழை யாமை இயக்க’த்தால் ஈர்க்கப்பட்டுத் தாய்நாடு திரும்பி, சமூக முன்னேற் றத்துக்காக காந்தி தொடங்கிய ‘சேவா தள’த்தில் இணைந்தார். ‘உப்பு சத்தியாகிரக’த்தில் பங்கேற்றுச் சிறைக்குச் சென்றார்.

அருணா ஆசஃப் அலி

1909-ல் ஹரியாணா வில் பிறந்தவர். 1930-ல் உப்பு சத்தியா கிரகத்தில் பங்கேற்றுச் சிறைக்குச் சென்று இரண்டு ஆண்டுகளில் விடுவிக்கப்பட்டார். 1942 ஆகஸ்ட் 8 அன்று பம்பாய் மாநாட்டில் ‘வெள்ளையனே வெளியேறு’ தீர்மானம் நிறைவேற்றப்பட்டதை அடுத்து காங்கிரஸ் முக்கியத் தலைவர்கள் அனைவரும் கைதாயினர். மறுநாள் அதே மாநாட்டில் காங்கிரஸ் கொடியை ஏற்றிவைத்து, ‘வெள்ளையனே வெளியேறு’ போராட்டத்தைத் தொடங்கிவைத்தார். ‘வெள்ளையனே வெளியேறு இயக்கத்தின் கதாநாயகி’ என்று அழைக்கப்படுகிறார்.

கனகலதா பரூவா

அசாமில் 1924-ல் பிறந்த வர். ‘வெள்ளை யனே வெளியேறு’ இயக்கத்தின்போது, ஒரு காவல் நிலையத்தில் தேசியக் கொடியை ஏற்றுவதற்காக நடத்தப்பட்ட ஊர்வலத்தில் முன்வரிசையில் சென்றார். அப்போது காவல்துறை நடத்திய துப்பாக்கிச் சூட்டில் 18 வயதில் உயிர் நீத்தார்.

போகேஸ்வரி ஃபுக்கானனி

1885-ல் அசாமில் பிறந்த இவர் எட்டுக் குழந்தைகளுக்குத் தாயாக இருந்தபோதும் அகிம்சைவழி விடுதலைப் போராட்டங்களில் தீவிரமாகப் பங்கேற்றார். 1942-ல் வெள்ளையனே வெளியேறு இயக்கத்தின்போது காவல்துறை தாக்குதல் நடத்தியது. அப்போது ஒரு காவலர் தேசியக் கொடியை அவமதித்ததற்காகத் தன் கையிலிருந்த கொடிக்கம்பால் அவரைத் தாக்கினார் போகேஸ்வரி. இதையடுத்து, காவலர்களால் சுட்டுக் கொல்லப்பட்டார்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

அறிவியல் நோபல் 2019: கண்டறிதல்களின் முக்கியத்துவம்

• உலகின் உயரிய விருதான நோபல் பரிசுகள் ஆண்டுதோறும் அக்டோபர் மாதம் அறிவிக்கப்படுகின்றன. 
• இந்த விருதை நிறுவிய ஆல்பிரட் நோபலின் நினைவு நாளான டிசம்பர் 10 அன்று பரிசுகள் வழங்கப்படுகின்றன. 
• இந்த ஆண்டு மருத்துவம், இயற்பியல், வேதியியல் உள்ளிட்ட அறிவியல் நோபல் பரிசுகளின் பின்னணி:

ஆக்ஸிஜனைத் தக்கவைக்கும் அதிசயம்!

• ஆக்ஸிஜன் பூமியில் உள்ள பெரும்பான்மை உயிரிகளுக்கு வாழ்வாதாரம் என்பது நாம் அறிந்ததே. 
• உடலில் ஆக்ஸிஜன் இல்லையென்றால் உணவில் இருந்து நம்மால் ஆற்றலைப் பெற முடியாது; ஆக்ஸிஜன் குறையும்போது தலைசுற்றல், மயக்கம் போன்றவை ஏற்படும். 
• இதன் காரணமாக, ஆக்ஸிஜன் இல்லாத சூழலில் உடல் உடனடியாகச் சில மாற்றங்களை ஏற்படுத்திக்கொள்கிறது. 
• உடலின் வளர்சிதை மாற்றத்தின் வேகத்தை (Metabolic rate) மாற்றிக்கொள்கிறது. 
• கூடுதலாக ஆக்ஸிஜனைப் பெற என்னவெல்லாம் செய்ய வேண்டுமோ அவற்றையும் உடல் செய்கிறது.
• உடலில் ஆக்ஸிஜன் அளவு குறையும்போது, நம் சிறுநீரகத்துக்கு மேலிருக்கும் செல்களில் இருந்து ‘எரித்ரோபாய்டின்’ (Erythropoetin) என்ற ஹார்மோன் சுரக்கிறது. 
• இது கூடுதல் சிவப்பு அணுக்களை உற்பத்திசெய்யச் சொல்லி எலும்பு மஜ்ஜைக்குக் கட்டளையிடுகிறது. 
• இவற்றால் ஆக்ஸிஜனைச் சற்றுக் கூடுதலாக எடுத்துக்கொள்ள முடியும்.
• ஆனால், இந்த ஆக்ஸிஜன் குறைவை உடல் எப்படிக் கண்டறிகிறது என்பது மிகப் பெரிய புதிராக இருந்தது. 
• வளிமண்டலத்தில் ஒரு வாயுவின் அளவு குறையும்போது உடல் அதை உணர்ந்துகொள்ளும் வழிமுறைகள் என்ன, அதன் பின்னால் இருக்கும் உயிரியல், வேதியியல் நிகழ்வுகள் என்னென்ன என்பது போன்ற கேள்விகளுக்கு நீண்ட நாட்களாக விடை தெரியாமல் இருந்துவந்தது.
• மிகச் சிக்கலான ஒரு ஆய்வுக்குப் பின், எரித்ரோபாய்டின் சுரப்புக்கு ‘ஹைபாக்ஸியா இண்ட்யூஸ்டு ஃபேக்டர் -1ஆல்ஃபா’ (Hypoxia Induced Factor -1 alpha, சுருக்கமாக HIF-1⍺) என்ற புரதம் தூண்டுதலாக இருப்பதைக் கண்டறிந்தார்கள். 
• இந்தப் புரதம் சிதைக்கப்பட்டால் எரித்ரோபாய்டின் சுரப்பதில்லை. 
• இது சிதைக்கப்படுவதை ‘வான் ஹிப்பல் லிண்டா மரபணு’ (Von Hippel Lindau Gene) கட்டுப்படுத்துவதையும், அந்தச் சிதைத்தல் வினையில் ஆக்ஸிஜனுக்குப் பங்கிருப்பதையும் கண்டுபிடித்தார்கள்.
• இந்தச் செயல்முறையைக் கண்டறிந்ததற்காக, கிரெக் எல். செமன்ஸா, வில்லியம் ஜி. கேலின் ஜூனியர், பீட்டர் ஜே. ராட்க்ளிஃப் ஆகிய மூவருக்கும் 2019-ம் ஆண்டுக்கான மருத்துவ நோபல் பரிசு வழங்கப்படுகிறது. 
• இந்த ஆய்வு தொற்றுநோய் மருத்துவம், புற்றுநோய் மருத்துவம், செல் செயல்பாடு, புண் ஆறுதல் ஆகிய பல இடங்களில் பயன்படக்கூடியது. 
• HIF-1 செயல்பாட்டைத் தூண்டுதல், செயல்பாட்டைக் கட்டுப்படுத்துதல் இரண்டுமே மருத்துவரீதியாக முக்கியமானவை.

மின்கல மேம்பாட்டு ஆராய்ச்சி :

• ஆக்ஸிஜன் குறைந்தால் உயிர்கள் எப்படிப் போர்க்கால அடிப்படையில் இயங்குகின்றனவோ, அதுபோலத்தான் நம் மின்னணுச் சாதனங்களும். 2019-ம் ஆண்டுக்கான வேதியியல் நோபல் பரிசு, நம் அன்றாட வாழ்வில் நீங்காத அங்கம் வகிக்கும் மின்னணுச் சாதனங்களைச் சாத்தியப்படுத்திய மின்கலங்களை வடிவமைத்ததில் பங்காற்றியதற்காக வழங்கப்படுகிறது. மின்சாரத்தை நமக்குத் தேவையான இடங்களுக்கெல்லாம் எடுத்துச் செல்ல‌ ஏதுவாக இருக்கும் கருவியான மின்கலங்கள் மக்களின் வாழ்க்கைத் தரத்தில் ஏற்படுத்திய தாக்கம் அளப்பரியது.
• மின்கலம் என்பது ஒரு நேர்மின் முனையம், ஒரு எதிர்மின் முனையம், ஒரு மின்பகுளி (electrolyte) ஆகியவற்றைக் கொண்டிருக்கிறது. அயனிகள் மின்பகுளி வழியாக ஒரு முனையத்தில் இருந்து இன்னொரு முனையத்துக்குப் பயணிக்கும். அதேநேரத்தில் எலெக்ட்ரான்கள் மின்கலத்துக்கு வெளியே மின்சுற்றில் பயணிக்கும். இப்படித்தான் ஒரு மின்கலம் மின்சாரத்தைத் தருகிறது.
• தொடக்ககால மின்கலங்கள் திரவ நிலையில் அமிலங்களைக் கொண்டிருந்தன; இன்றைக்குச் சுவர்க்கடிகாரங்களில் பயன்படுத்தக்கூடிய திடநிலை மின்பகுளிகளைக் கொண்ட மின்கலங்கள் (dry cell) பின்னர் வந்தன. ஆனால், மின் ஆற்றல் குறைந்தால் மீண்டும் மின்சாரம் ஏற்றிப் பயன்படுத்தக்கூடிய வகையிலான மின்கலங்களுள் லித்தியம் அயனி மின்கலங்கள் முக்கியமானவை.
• லித்தியம், எளிதில் எலெக்ட்ரானை இழக்கும் தன்மை கொண்ட ஒரு தனிமம். அப்படி வெளியேறும் எலெக்ட்ரானை மின்சுற்றில் சுற்றவிட்டு, லித்தியம் அயனியை ஒரு முனையத்தில் இருந்து இன்னொரு முனையத்துக்குப் பாயவிட்டால் கச்சிதமான மின்கலம் தயார்.
• ஆனால், இரண்டு வாக்கியத்தில் அடங்கிவிட்ட இந்தச் செயலைச் செய்வது மிகவும் சிக்கலான காரியம். லித்தியத்தின் ஆபத்தான வெடிக்கும் பண்புகளைச் சமாளிப்பதும், மின்கலத்தின் திறனை மேம்படுத்தும் பொருட்களைப் பயன்படுத்துவதும் முக்கியம். இன்றைக்குப் புழக்கத்தில் உள்ள லித்தியம் அயனி மின்கலங்களின் ஆராய்ச்சி, வடிவமைப்பு ஆகியவற்றில் முக்கியப் பங்காற்றிய அகிரா யோஷினோ, ஸ்டான்லி விட்டிங்ஹாம், ஜான் பி. குடெனஃப் ஆகிய மூவருக்கும் இந்த ஆண்டு வேதியியல் நோபல் பகிர்ந்தளிக்கப்படுகிறது.

பேரண்டமும் புறக்கோள்களும்!

• பேரண்டம் நம் கற்பனைக்கு எட்டாத அளவுக்குப் பிரம்மாண்டமானது. பல ஆண்டுகளாக அதன் பிறப்பை, இயக்கத்தைக் கோட்பாட்டுரீதியாகவே வரையறுத்துவந்தார்கள்; ஆய்வுரீதியாக எந்தச் சான்றும் இருக்காது. 
• அதற்குத் தேவையான கருவிகள் நம்மிடையே இல்லாததே இதற்குக் காரணம். ஒரு துறை கோட்பாட்டுரீதியில் இருக்கும்போது, சில ஆய்வுகள் அந்தத் துறையை ஊகங்கள் அடிப்படையிலான கணிதம் சார்ந்த ஆய்வுத் துறையாக மாற்றிவிடும்.
• அப்படி அண்டவியல் துறையைக் கோட்பாட்டுத் துறையில் இருந்து, ஆய்வுகள் சார்ந்த துறையாக மாற்றிய பெருமை ஜேம்ஸ் பீபிள்ஸ் என்பவரைச் சேரும். 
• அண்ட நுண்ணலைப் பின்புலம் (Cosmic Microwave Background) என்று அறியப்படும் பிரபஞ்சம் முழுக்க விரவியிருக்கிற நுண்ணலைகளை ஆராய்ந்து பிரபஞ்சம் உருவாகும்போது எப்படி இருந்தது, பின் என்னென்ன மாற்றங்கள் நிகழ்ந்தன, பிரபஞ்சத்தின் பொருண்மை (Matter) எத்தனை சதவீதம், ஆற்றல் எத்தனை சதவீதம், நம்மால் உணர முடியாத கரும் பொருள் (Dark Matter), கரும் ஆற்றல் (Dark Energy) எத்தனை சதவீதம் என்று அவர் கண்டறிந்தார். 
• இவருக்கு இந்த ஆண்டு இயற்பியல் பரிசுத்தொகையில் பாதி பகிர்ந்தளிக்கப்படுகிறது.
• இரவு வானில் தெரியும் விண்மீன்களை எண்ணத் தொடங்கினால் நம் வெறும் கண்களுக்குப் புலப்படும் விண்மீன்களே ஆயிரக்கணக்கில் இருக்கும். ஆற்றல் வாய்ந்த தொலைநோக்கிகள் மூலம் லட்சக்கணக்கான விண்மீன்களைக் காணலாம். 
• ஆனால், நம் சூரியனைப் போலவே அந்த விண்மீன்களையெல்லாம் கோள்கள் சுற்றிவருமா. 
• அப்படியென்றால் அவை எப்படி இருக்கும்?பிற விண்மீன்களைச் (புறக்கோள்கள்/ exoplanets) சுற்றும் கோள்களைக் கண்டறிய உதவும் தொழில்நுட்பங்கள் அனைத்தும், கோள்கள் சுற்றிவருவதால் விண்மீனின் ஒளி அளவு, துடிப்பெண்ணில் ஏற்படும் மாற்றங்களை அலசுவதை அடிப்படையாகக் கொண்டவை. 
• அந்தத் தொழில்நுட்பங்களைப் பயன்படுத்தி 1995-ம் ஆண்டு 51 பெகாஸஸ் (51 Pegasus) என்ற விண்மீனைச் சுற்றும் 51 பெகாஸஸ் பி (51 Pegasus b) என்னும் கோளை, பிரான்ஸைச் சேர்ந்த மிஷல் மயோர், டிடியர் க்விலோ ஆகியோர் கண்டுபிடித்தார்கள்.
• அதன் பிறகு இன்றுவரை சுமார் நாலாயிரத்துக்கும் மேற்பட்ட விண்மீன்களைச் சுற்றும் கோள்கள் கண்டுபிடிக்கப்பட்டுள்ளன. 
• வேறொரு விண்மீனைச் சுற்றும் முதல் கோளைக் கண்டுபிடித்தமைக்காக அந்த இருவருக்கும் இந்த ஆண்டு இயற்பியல் நோபல் பரிசின் மற்றொரு பாதி பகிர்ந்தளிக்கப்படுகிறது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

இஸ்ரோவின் ‘ரிசாட்-2பிஆர்1’ உட்பட உலக நாடுகளின் 10 செயற்கைக்கோளுடன் பிஎஸ்எல்வி-சி 48 ராக்கெட் நாளை விண்ணில் பாய்கிறது 

ஹரிகோட்டாவில் உள்ள ராக்கெட் ஏவுதளத்துக்கு இஸ்ரோவின் ரிசாட்-2பி ஆர்1 மற்றும் 9 வெளிநாட்டு செயற்கைக்கோள்களுடன் கொண்டு செல்லப்படும் பிஎஸ்எல்வி- சி48 ராக்கெட்.

விவசாயம், பேரிடர் மேலாண்மை ஆகியவற்றுக்கு உதவும் இஸ்ரோவின் ‘ரிசாட்-2பிஆர்1’ உட்பட பல்வேறு நாடுகளை சேர்ந்த மொத்தம் 10 செயற்கைக் கோள்கள் ஹரிகோட்டாவில் இருந்து பிஎஸ்எல்வி - சி48 ராக்கெட் மூலம் நாளை மாலை விண்ணில் செலுத்தப்படுகின்றன.

விவசாயம், காடு வளர்ப்பு, பேரிடர் மேலாண்மை ஆகியவற்றுக்கு உதவும் வகையில் துல்லியமான வானிலை தரவுகளை பெறும் விதமாக ‘ரிசாட்-2பிஆர்1’ செயற்கைக் கோளை இந்திய விண்வெளி ஆய்வு நிறுவனம் (இஸ்ரோ) உருவாக்கியுள்ளது. ஆந்திர மாநிலம் ஹரிகோட்டாவில் உள்ள சதீஷ்தவான் மையத்தின் முதலாவது ஏவுதளத்தில் இருந்து பிஎஸ்எல்வி - சி48 ராக்கெட் மூலம் இந்த செயற்கைக் கோள் நாளை (டிச.11) மாலை 3.25 மணிக்கு விண்ணில் ஏவப்பட உள்ளது. இதற்கான கவுன்ட்-டவுன் இன்று தொடங்குகிறது.

இந்த செயற்கைக் கோளுடன் சேர்ந்து ஜப்பான், இத்தாலி, இஸ்ரேல் ஆகிய நாடுகளின் தலா ஒரு செயற்கைக் கோள், அமெரிக்காவின் 6 செயற்கைக் கோள்கள் என மொத்தம் 9 வெளிநாட்டு செயற்கைக் கோள்கள் வர்த்தக ரீதியில் விண்ணில் ஏவப்பட உள்ளன.

வானிலை தொடர்பான ரேடார் படங்களை வழங்கும் ‘ரிசாட்-2பிஆர்1’ புவி கண்காணிப்பு செயற்கைக் கோள் 628 கிலோ எடை கொண்டது. இது 576 கி.மீ. உயரத்தில் நிலைநிறுத்தப்பட உள்ளது. செயற்கைக் கோள் அந்த இலக்கை அடைய 21 நிமிடங்கள், 19 விநாடிகள் எடுத்துக்கொள்ளும் என்று கூறப்படுகிறது. இதன் ஆயுள்காலம் 5 ஆண்டுகள். இது பிஎஸ்எல்வி வகை ராக்கெட்டின் 50-வது பயணம் என்பது குறிப்பிடத்தக்கது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பாலங்கள்

செவிச் செல்வம் செல்வத்துள் எல்லாம் தலை என்பது வள்ளுவர் வாக்கு. கற்றலின் கேட்டல் நன்று என்பார்கள். கேட்டுத் தெளியும் கருத்துகள் மனதில் ஆழமாகப் பதியும். அதனால்தான் ஆசிரியர் பாடங்களின் மூலம் விளக்க, நாம் கேட்டுக் கேட்டு அறிந்துகொள்கிறோம். இங்கே கேள்வி பதில் வடிவில் சில விஷயங்களை அறிவோம். இந்த வாரம் பாலங்களைப் பற்றி பார்க்கலாம்...

பாலங்களில் எத்தனை வகைகள் உள்ளன?

தரைப்பாலம், கயிற்றுப் பாலம், மூங்கில் பாலம், கற்பாலம், படகு பாலம், தூண் பாலம், திறப்புடன்கூடிய தூக்கு பாலம், தொங்கு பாலம், கம்பி வடம் பாலம், சுழலும் பாலங்கள், செங்குத்தாக நகரும் லிப்ட் பாலங்கள், பிளவு பாலம், பாஸ்கல் பாலம் மற்றும் சிற்ப பாலங்கள் என பல வகை பாலங்கள் வழக்கத்தில் உள்ளன.

உலகின் உயரமான சாலைப் பாலம் எது?

இந்திய ராணுவத்தால் லடாக் பகுதியில் அமைக்கப்பட்டு உள்ள பெய்லி பிரிட்ஜ் பாலம்தான் உலகில் உயரமாக அமைக்கப்பட்ட சாலைப் பாலமாகும். இது ஜம்மு காஷ்மீர் பகுதியில் லடாக் பள்ளத்தாக்கில் 5 ஆயிரத்து 600 மீட்டர் உயரத்தில் இரு குன்றுகள் இடையே ஆற்றை கடந்து பயணிக்கும் வகையில் அமைக்கப்பட்டு உள்ள பாலமாகும். 30 மீட்டர் நீளம் கொண்டது. இது 1982-ம் ஆண்டு இந்திய ராணுவத்தால் கட்டமைக்கப்பட்டது.

லண்டன் பாலம் நடுவில் பிளவு பட்டுள்ளதே ஏன்?

இங்கிலாந்தின் லண்டன் நகரில் தேம்ஸ் நதியின் குறுக்கே டவர் பிரிட்ஜ் எனும் பாலம் 1894-ல் கட்டப்பட்டது. இது லண்டனின் அடையாளங்களில் ஒன்றாக விளங்குகிறது.

கப்பல்கள் தேம்ஸ் நதியை கடந்து செல்ல வசதியாக லண்டன் பாலம் பிளவுபட்டு வழியை திறந்துவிடும் வகையில் உருவாக்கப்பட்டுள்ளது. இதுபோன்ற பயன்பாட்டிற்காக பிளவு பாலம், தூக்கு பாலம், செங்குத்து பாலம் போன்ற பாலங்கள் உலகின் பல இடங்களில் பல்வேறு நீர்நிலைகளின் குறுக்கே அமைக்கப்பட்டு உள்ளன. தமிழகத்தில் ராமேஸ்வரத்தில் அமைக்கப்பட்டுள்ள ரெயில்வே தூக்குபாலம் அவற்றில் ஒன்றாகும்.

புகழ்பெற்ற கோல்டன் கேட் பாலம் எங்குள்ளது, அது ஏன் சிறப்பு பெற்றது?

அமெரிக்காவின் சான்பிரான்சிஸ்கோவில் கோல்டன் கேட் பாலம் உள்ளது. இந்த பாலம் சிறப்பு பெற பல காரணங்கள் உண்டு. குறிப்பாக அது அமைந்திருக்கும் இடம் வேகமான நீரோட்டம் கொண்ட இடமாகும். மேலும் இந்த பகுதியில் வேகமான காற்று மற்றும் மூடுபனியும் நிலவும். இத்தகைய சீதோஷ்ண நிலையைத் தாங்கும் நல்ல உறுதித்தன்மையுடன் சிறந்த தொழில்நுட்ப கட்டமைப்புடன் பாலம் கட்டப்பட்டுள்ளதால் கோல்டன் கேட் பாலம் உலகளாவிய புகழ்பெற்ற பாலங்களில் ஒன்றாக விளங்குகிறது. 1964-ம் ஆண்டிற்கு முன்புவரை இந்த இடத்தில் மிகப்பெரிய தூக்கு பாலம்தான் இருந்தது என்பது குறிப்பிடத்தக்கது.

பேண்டூன் பாலம் ஏன் உருவாக்கப்படுகிறது, அதன் பயன் என்ன?

பேண்ட்டுன் பாலம் என்பது ஆற்றில் வரிசையாக படகுகளை ஒன்றிணைத்து உருவாக்கப்படும் படகு பாலமாகும். ராணுவ வீரர்கள் ஆற்றை கடப்பதற்காக இந்த வகை பாலங்கள் பல இடங்களில் போர்க்காலங்களில் உருவாக்கப்பட்டிருக்கின்றன. சில இடங்களில் பாதசாரிகள், சிறிய வாகனங்கள் ஆற்றை கடப்பதற்காக தற்காலிகமாகவோ அல்லது நிரந்தரமாகவோ படகு பாலங்களை உருவாக்குவது உண்டு. உலகின் பல்வேறு இடங்களில் படகுப் பாலங்கள் உள்ளன.

உலகின் நீளமான பாலம் எது?

சீனாவில் தன்யாங் மற்றும் ஹன்ஷான் இடையே உள்ள கிராண்ட் பிரிட்ஜ் பாலம்தான் உலகின் மிக நீளமான பாலமாகும். 2011-ம் ஆண்டு திறக்கப்பட்ட இந்த பாலம் 165 கிலோமீட்டர் நீளம் கொண்டது. ரெயில்வே சேவைக்காக வெறும் 4 ஆண்டு காலத்தில் 10 ஆயிரம் பணியாளர்களைக் கொண்டு இந்த பாலம் கட்டமைக்கப்பட்டது குறிப்பிடத்தக்கது. இதுபோல இன்னும் பிரம்மாண்டமான பல பாலங்கள் சீனாவில் உள்ளது நினைவூட்டத்தக்கது.

தாய்லாந்தில் உலகின் நீளமான சாலைப் பாலம் உள்ளது. ‘பாங் நா’ என அழைக்கப்படும் இந்த சாலைப்பாலம் 55 கிலோமீட்டர் நீளம் கொண்டதாகும்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

தேதி சொல்லும் சேதி

ஜனவரி முதல் வாரம் சாலை பாதுகாப்பு வாரம்.

ஜனவரி 15 ராணுவ தினம். ஜெனரல் கே.எம்.கரியப்பா இந்திய ராணுவ சீப் கமாண்டராக பொறுப்பேற்ற தினமே இது. ஜனவரி 25 தேசிய வாக்காளர் தினம்.

பிப்ரவரி 28 தேசிய அறிவியல் தினம்

மார்ச் 21 இரவும் பகலும் சம நேரம் கொண்ட தினம். உலக வன தினமும் இதே நாளில் பின்பற்றப்படுகிறது.

மார்ச் 22 உலக தண்ணீர் தினம்

ஏப்ரல் 22 பூமி தினம்.

மே முதல் வாரம் மலேரியா தடுப்பு வாரம்

மே 3 பத்திரிகை சுதந்திர தினம்.

மே 15 சர்வதேச குடும்ப தினம்

மே 24 காமன்வெல்த் தினம்

மே 31 புகையிலை ஒழிப்பு தினம்

ஜூன் 5 உலக சுற்றுச்சூழல் தினம்

ஜூலை 11 உலக மக்கள் தொகை தினம்

செப்டம்பர் 8 சர்வதேச எழுத்தறிவு நாள், கண்தான தினம்.

செப்டம்பர் 16 உலக ஓசோன் தினம்

செப்டம்பர் 21 இரவு பகல் சமநேரம் கொண்ட நாள்.

அக்டோபர் 1 ரத்ததான தினம், உலக முதியோர் தினம்

அக்டோபர் 16 உலக உணவு தினம்

அக்டோபர் 24 ஐ.நா. தினம்

நவம்பர் 10 சர்வதேச அறிவியல் தினம்.

நவம்பர் 11 தேசிய கல்வி தினம்

டிசம்பர் 7 கொடிநாள்.

டிசம்பர் 10 நோபல் பரிசு வழங்கும் நாள், மனித உரிமை தினம்

விரிவாக படிக்க இங்கே கிளிக் செய்யுங்கள் | READ MORE | CLICK HERE

இரு பெயரிடுதல் முறை

உலகம் முழுவதும் உள்ள மக்கள் குழப்பமின்றி புரிந்து கொள்ள ஏதுவாக தாவரங்கள் மற்றும் விலங்குகளை இரு சொல்லால் ஆன ஒரே அறிவியல் பெயரால் அழைக்கும் முறை உள்ளது. இதை ஆங்கிலத்தில் பைனாமியல் நாமன்கிலச்சர் என்பார்கள்.

இந்த முறையை அறிவியல் பூர்வமாக முதலில் உருவாக்கியவர் ஸ்வீடன் நாட்டு தாவரவியல் வல்லுநரான கரோலஸ் லின்னேயஸ் ஆவார். இவரே இருசொல் பெயர்முறையின் தந்தை எனப்படுகிறார்.

லின்னேயஸுக்கு முன்னரே கஸ்பர்டு பாஹின் என்பவர் இந்த முறையை அறிமுகம் செய்துவிட்டதாக சில ஆய்வாளர்கள் தெரிவிக்கின்றனர். ஆனால் பாஹீன் பின்பற்றிய முறை அறிவியல் பூர்வமானதல்ல என்று புறம்தள்ளப்படுகிறது.

அசாடிரசக்டா இண்டிகா, எலபஸ் மேக்சிமஸ், ஹோமோ செப்பியன்ஸ் போன்றவை இரு சொல் பெயரிடல் முறைக்கு சில சான்றுகள். இந்த மூன்றும் முறையே வேம்பு, ஆசிய யானை, மனிதன் ஆகியவற்றை குறிக்கும் இருசொல் பெயர்களாகும்.

இந்த முறையில் எழுதும்போது முதலில் உள்ள சொல் பேரினப் பெயரை குறிக்கும். அதன் முதல் எழுத்தை ஆங்கிலத்தில பெரிய எழுத்தில் குறிப்பிடுவார்கள். இரண்டாவது சொல் சிற்றினத்தை குறிக்கும். பேரினச் சொல் ஒரு பெயர்ச் சொல்லாகும், சிற்றினப் பெயர் ஒரு உரிச்சொல்லாகும்.

ஹோமோ என்பது மனித இனத்தின் பேரினப் பெயர், செப்பியன்ஸ் என்பது தற்கால மனிதர்களை குறிக்கும் சிற்றின பெயராகும். ஹோமோ செப்பியன்ஸ் என்றால் புத்திசாலி மனிதன் என்பது பொருளாகும். மனிதனின் பரிணாம வளர்ச்சியில் இதற்கு முந்தைய மனித இனத்தின் பெயர் ஹோமோ எரக்டஸ் எனப்படுகிறது. இதற்கு நிமிர்ந்து நின்ற மனிதன் என்பது பொருளாகும்.

விரிவாக படிக்க இங்கே கிளிக் செய்யுங்கள் | READ MORE | CLICK HERE