வாராந்திர முக்கிய நிகழ்வுகள் (ஜூன் 14-20) - போட்டித் தேர்வுகளுக்குப் பயன்படும் தகவல்கள்.

உலகம்

• யுனெஸ்கோவின் உலகளாவிய கல்வி கண்காணிப்பு அறிக்கை, உலகளவில் பள்ளிக்குச் செல்லாத குழந்தைகளின் எண்ணிக்கை 2025-க்குள் 272 மில்லியனாக அதிகரிக்கும் என்று கணிக்கிறது. (ஜூன் 15)
• ஸ்டாக்ஹோம் சர்வதேச அமைதி ஆராய்ச்சி நிறுவனம் வெளியிட்ட அறிக்கையின்படி, 2024-ல் 172 ஆக இருந்த இந்தியாவின் அணு ஆயுதக் களஞ்சியம் இந்த ஆண்டு 180 ஆக அதிகரிக்கும் என எதிர்பார்க்கப்படுகிறது. பாகிஸ்தான் தற்போது 170 அணு ஆயுதங்களைக் கொண்டுள்ளது. சீனா 2023 முதல் ஆண்டுக்கு 100 அணு ஆயுதங்களைத் தயாரித்து வருகிறது, அதன் மொத்த எண்ணிக்கை 600 ஆக உயர்ந்துள்ளது. (ஜூன் 16)
• பிரிட்டிஷ் உளவு அமைப்பான MI6-ன் தற்போதைய தொழில்நுட்பத் தலைவர் பிளேஸ் மெட்டர்வெலி, அதன் புதிய தலைவராக நியமிக்கப்பட்டுள்ளார். இந்த அமைப்பின் 116 ஆண்டு கால வரலாற்றில் ஒரு பெண் இந்த பதவிக்கு நியமிக்கப்படுவது இதுவே முதல் முறை. (ஜூன் 16)

இந்தியா

• இந்திய ராணுவம் உள்நாட்டில் உருவாக்கப்பட்ட 'ருத்ராஸ்திரா' ட்ரோனை வெற்றிகரமாக சோதித்தது. இந்த ட்ரோன் ஒன்றரை மணி நேரம் பறந்து 170 கி.மீ. தொலைவில் உள்ள இலக்குகளைத் தாக்கக்கூடியது. இது தானாகவே செயல்பட்டு, தாக்குதலுக்குப் பிறகு அதன் தொடக்கப் புள்ளிக்குத் திரும்ப முடியும். (ஜூன் 15)
• சைப்ரஸ் அதிபர் நிகோஸ் கிறிஸ்டோடுலிட்ஸ், சைப்ரஸின் மிக உயர்ந்த சிவிலியன் விருதான "கிராண்ட் கிராஸ் ஆஃப் தி ஆர்டர் ஆஃப் மகாரியோஸ் III" ஐ பிரதமர் மோடிக்கு வழங்கினார். (ஜூன் 16)
• உலகில் 50% டிஜிட்டல் பரிவர்த்தனைகள் இந்தியாவில் யுபிஐ மூலம் நடைபெறுகின்றன என்று சைப்ரஸில் நடந்த கூட்டத்தில் பிரதமர் நரேந்திர மோடி தெரிவித்தார். (ஜூன் 16)
• எதிரி நீர்மூழ்கிக் கப்பல்களைத் தாக்கவும், கடலில் கண்ணிவெடிகளை அமைக்கவும், ஆழமற்ற கடலோரப் பகுதிகளில் செயல்படவும் வடிவமைக்கப்பட்ட 'அர்னாலா' போர்க்கப்பல் தயாரிக்கப்பட்டு கடற்படைக்கு ஒப்படைக்கப்பட்டுள்ளது. 77 மீட்டர் நீளமுள்ள இந்த போர்க்கப்பல் இந்திய கடற்படையை மேலும் பலப்படுத்தும். (ஜூன் 18)
• 2023-2024 பள்ளி கல்வி செயல்திறன் தரவரிசை குறியீட்டில், சண்டிகர், பஞ்சாப், டெல்லி, குஜராத் மற்றும் ஒடிசா சிறப்பாக செயல்பட்டுள்ளன. தமிழ்நாடு 16வது இடத்தில் உள்ளது. மாவட்ட அளவில் பள்ளி கல்வித் துறையின் செயல்திறனை மதிப்பிடும் செயல்திறன் தரவரிசை குறியீட்டை கல்வி அமைச்சகம் 2017-18 முதல் வெளியிட்டு வருவது குறிப்பிடத்தக்கது. (ஜூன் 18)
• தேசிய குடும்ப சுகாதார கணக்கெடுப்பு தரவு, இந்தியாவில் குறைந்த எடையுடன் பிறக்கும் குழந்தைகளில் 47% பேர் உத்தரப் பிரதேசம், மகாராஷ்டிரா, குஜராத் மற்றும் மேற்கு வங்கம் ஆகிய நான்கு மாநிலங்களைச் சேர்ந்தவர்கள் என்பதை வெளிப்படுத்துகிறது. (ஜூன் 18)
• லண்டனைச் சேர்ந்த சர்வதேச உயர்கல்வி பகுப்பாய்வு நிறுவனமான குவாக்கரெல்லி சைமண்ட்ஸ், உலகளவில் பல்கலைக்கழகங்கள் மற்றும் பிற உயர்கல்வி நிறுவனங்களின் தரவரிசையை ஆண்டுதோறும் வெளியிடுகிறது. இந்த ஆண்டு, 54 இந்திய உயர்கல்வி நிறுவனங்கள் பட்டியலில் இடம் பெற்றுள்ளன. ஐஐடி மெட்ராஸ் 180வது இடத்தில் உள்ளது. (ஜூன் 19)

தமிழ்நாடு

• முறையான கல்வி பெறாத நாடு முழுவதும் உள்ள 15 வயது மற்றும் அதற்கு மேற்பட்டவர்களுக்கு அடிப்படை எழுத்தறிவு கல்வி வழங்க மத்திய அரசு 2022 இல் 'புதிய இந்தியா எழுத்தறிவு திட்டத்தை' அறிமுகப்படுத்தியது. புதிய இந்தியா எழுத்தறிவு திட்டத் தேர்வில் தமிழ்நாடு 100% தேர்ச்சி பெற்று தேசிய சாதனை படைத்துள்ளது என்று அதிகாரப்பூர்வமாக அறிவிக்கப்பட்டுள்ளது. (ஜூன் 14)
• தூத்துக்குடியில் உள்ள வி.ஓ.சிதம்பரனார் துறைமுகம், 2024 ஆம் ஆண்டில் செலவு மேலாண்மைக்காக இந்திய செலவு கணக்காளர்கள் நிறுவனத்திடமிருந்து போக்குவரத்து மற்றும் தளவாடப் பிரிவின் கீழ் தேசிய விருதைப் பெற்றது. இது துறைமுகத்திற்கு கிடைத்த ஏழாவது விருது. (ஜூன் 14)
• தெலுங்கானா உயர் நீதிமன்ற நீதிபதி சுரேந்தர், சென்னை உயர் நீதிமன்ற நீதிபதியாகப் பதவியேற்றார். இதனால் உயர் நீதிமன்ற நீதிபதிகளின் எண்ணிக்கை 59 ஆக உயர்ந்தது. (ஜூன் 16)
• தமிழ் இலக்கியப் படைப்புகளுக்காக சாகித்ய அகாடமியின் பால புரஸ்கார் மற்றும் யுவ புரஸ்கார் விருதுகள் முறையே விஷ்ணுபுரம் சரவணன் மற்றும் லட்சுமிகாருக்கு அறிவிக்கப்பட்டுள்ளன. இந்த விருதுகள் இந்தியாவில் வழங்கப்படும் மிக உயர்ந்த இலக்கிய விருதுகளில் ஒன்றாகும். (ஜூன் 18)
• நாட்டின் மொத்த உற்பத்தியில் தமிழ்நாட்டின் பங்களிப்பு 11.90% என்று முதலமைச்சர் மு.க.ஸ்டாலின் தெரிவித்தார். (ஜூன் 19)

பொருளாதாரம்

• உலகளாவிய பெட்ரோலியப் பொருட்களின் விலை குறைந்ததால், மே மாதத்தில் இந்தியாவின் ஏற்றுமதி 2.17% குறைந்தது. மே மாதத்தில் ஏற்றுமதி $3,873 கோடியாகக் குறைந்தது. (ஜூன் 16)
• உணவு மற்றும் எரிபொருள் விலைகள் குறைந்ததால், மொத்த விலை குறியீட்டின் அடிப்படையில் மே மாதத்தில் பணவீக்கம் 0.39% ஆக குறைந்தது, இது 14 மாதங்களில் இல்லாத அளவு குறைவு. (ஜூன் 16)
• இந்திய கணினி சந்தை மார்ச் காலாண்டில் வளர்ச்சி கண்டது. ஜனவரி முதல் மார்ச் வரை, நாட்டில் 3.3 மில்லியன் கணினிகள் விற்பனையாகின. இது 2024 ஆம் ஆண்டின் இதே காலாண்டுடன் ஒப்பிடும்போது 8.1% அதிகரிப்பைக் குறிக்கிறது. (ஜூன் 17)
• மே மாதத்தில் இந்தியாவின் ரத்தினங்கள் மற்றும் நகைகள் ஏற்றுமதி 15.81% குறைந்தது. (ஜூன் 18)

அறிவியல்

• உத்தரப் பிரதேச மாநிலம் குஷிநகர் மாவட்டத்தில் ஒரு மாதிரி ராக்கெட் ஏவுதல் சோதனை வெற்றிகரமாக நடத்தப்பட்டது. உத்தரப் பிரதேசத்தில் இருந்து செயற்கைக்கோள் சுமந்து செல்லும் ராக்கெட் வெற்றிகரமாக ஏவப்படுவது இதுவே முதல் முறை என்று அதிகாரிகள் தெரிவித்தனர். (ஜூன் 15)
• திருநெல்வேலி மாவட்டம் மகேந்திரகிரியில் உள்ள இஸ்ரோவின் திரவ உந்துவிசை அமைப்புகள் மையத்தில் ராக்கெட்டுகளில் பொருத்தக்கூடிய விகாஸ் எஞ்சின் 17 வினாடி சோதனை வெற்றிகரமாக நடத்தப்பட்டது. இந்த எஞ்சின் பிஎஸ்எல்வி மற்றும் ஜிஎஸ்எல்வி ராக்கெட்டுகளில் பயன்படுத்தப்படலாம் என்று இஸ்ரோ வட்டாரங்கள் தெரிவித்தன. (ஜூன் 18)

விளையாட்டு

• உலக டெஸ்ட் சாம்பியன்ஷிப் இறுதிப் போட்டியில் ஆஸ்திரேலியாவை தோற்கடித்து தென் ஆப்பிரிக்க அணி அதிர்ச்சி அளித்து வரலாறு படைத்தது. சர்வதேச கிரிக்கெட் கவுன்சில் உலகக் கோப்பை போட்டியில் தென் ஆப்பிரிக்கா தனது முதல் சாம்பியன் பட்டத்தை வெல்வது இதுவே முதல் முறை. (ஜூன் 14)
• முன்னணி வீரர்கள் பங்கேற்ற ஜெர்மனியின் மியூனிக்கில் நடைபெற்ற உலகக் கோப்பை துப்பாக்கி சுடுதல் போட்டியில், 10 மீட்டர் ஏர் ரைபிள் கலப்பு அணி இறுதிப் போட்டியில் ஆர்யா-அர்ஜுன் ஜோடி வாங்-ஷெங் ஜோடியை 17-7 என்ற புள்ளிக்கணக்கில் தோற்கடித்து தங்கப் பதக்கம் வென்றது. இது போட்டியில் இந்தியாவின் நான்காவது பதக்கம். (ஜூன் 14)
• விம்பிள்டன் டென்னிஸ் போட்டிக்கு முன்னோடியாக லண்டனில் குயின்ஸ் கிளப் சர்வதேச டென்னிஸ் சாம்பியன்ஷிப் நடைபெற்றது. ஜெர்மனியின் டட்ஜனா மரியா, அமெரிக்காவின் அமண்டா அனிசிமோவாவை 6-3, 6-4 என்ற நேர் செட்களில் தோற்கடித்து பட்டத்தை வென்றார். இது அவரது நான்காவது சர்வதேச பட்டம். (ஜூன் 15)
• சுவீடன் தலைநகர் ஸ்டாக்ஹோமில் நடைபெற்ற டயமண்ட் லீக் தடகளப் போட்டியில், ஆண் வான் கோல் தாண்டுதலில் அர்மண்ட் டுப்ளான்டிஸ் தனது முதல் முயற்சியில் 6.28 மீட்டர் தாண்டி புதிய உலக சாதனை படைத்தார். இது அவரது 12வது உலக சாதனை. (ஜூன் 16)
• மூன்றாவது ஒருநாள் சர்வதேச கிரிக்கெட் போட்டியில் டக்வொர்த்-லூயிஸ் முறைப்படி தென் ஆப்பிரிக்க மகளிர் அணி மேற்கிந்திய தீவுகள் மகளிர் அணியை 166 ரன்கள் வித்தியாசத்தில் தோற்கடித்தது. (ஜூன் 18)