யுனெஸ்கோ பட்டியலில் செஞ்சி கோட்டை

கிழக்கின் ட்ராய்: செஞ்சி கோட்டை

யுனெஸ்கோ பட்டியலில் ஜூலை 11, 2025 அன்று இணைக்கப்பட்டதாக அதிகாரப்பூர்வமாக அறிவிக்கப்பட்டது.
செஞ்சி கோட்டை (விழுப்புரம் மாவட்டம்) தனியாக உலக பாரம்பரிய சின்னமாக்கப்படவில்லை. மாறாக, இந்தியாவின் மராட்டிய ராணுவ நிலப்பரப்புகள் என்ற ஒரு பெரிய குழுவின் கீழ், இது யுனெஸ்கோ பட்டியலில் சேர்க்கப்பட்டுள்ளது.
இந்த திட்டத்தில் மொத்தம் 12 கோட்டைகள் அடங்கும். அவற்றில் 11 மஹாராஷ்டிராவிலும், செஞ்சி கோட்டை தமிழ்நாட்டிலும் உள்ளது.

செஞ்சி கோட்டையின் அமைப்பு:

செஞ்சி கோட்டை ராஜகிரி, கிருஷ்ணகிரி, சந்திராயன் துர்க்கம் (சங்கிலி துர்க்கம்) ஆகிய மூன்று பிரம்மாண்டமான மலைகளில் பரந்து விரிந்துள்ளது.
செஞ்சிக் கோட்டை கி.பி 13 ஆம் நூற்றாண்டில் ஆனந்தக் கோன் என்ற குறுநில மன்னரால் கட்டப்பட்டது.
அதன் பின்னர் விஜயநகரப் பேரரசு, நாயக்க மன்னர்கள், பீஜப்பூர் சுல்தான்கள், மராட்டியர்கள் (சிவாஜி மற்றும் அவரது மகன் ராஜாராம்), முகலாயர்கள் (ஔரங்கசீப்), ஆற்காடு நவாப், பிரெஞ்சுக்காரர்கள், ஆங்கிலேயர்கள் எனப் பல மன்னர்களின் வசம் மாறி மாறி வந்துள்ளது.
1677 இல் சத்ரபதி சிவாஜி இந்தக் கோட்டையை பிஜப்பூர் சுல்தானிடமிருந்து கைப்பற்றிய பிறகு, அதன் பாதுகாப்பு அரண்களை மேலும் பலப்படுத்தினார்.
நாயக்க மன்னர்கள் காலத்தில், பல கோயில்கள், கல்யாண மஹால், கோட்டை மதில் அரண்கள் போன்றவை கட்டப்பட்டன.

யுனெஸ்கோ அங்கீகாரத்தின் பலன்கள்:

பாதுகாக்கவும், செஞ்சி கோட்டையைப் பராமரிக்கவும் மத்திய மற்றும் மாநில அரசுகள் கூடுதல் நிதி ஒதுக்கும்.
இது கோட்டையின் நீண்ட காலப் பாதுகாப்பை உறுதி செய்யும்.
உலக அளவில் செஞ்சி கோட்டையின் புகழ் பரவும். இதனால் உள்நாட்டு மற்றும் வெளிநாட்டு சுற்றுலாப் பயணிகள் வருகை அதிகரிக்கும். இது உள்ளூர் பொருளாதார வளர்ச்சிக்கு உதவும்.
செஞ்சி கோட்டை ஒரு முக்கியமான வரலாற்று தளமாக உலகளவில் அங்கீகரிக்கப்பட்டுள்ளதால், வரலாற்று ஆய்வாளர்கள், தொல்லியல் வல்லுநர்கள் மற்றும் மாணவர்கள் மத்தியில் கோட்டை குறித்த ஆராய்ச்சி மற்றும் கல்வி ஆர்வம் அதிகரிக்கும்.
தமிழ்நாட்டுக்கும், இந்தியாவின் வளமான கலாச்சார பாரம்பரியத்துக்கும் இது ஒரு பெரிய பெருமையாகும்.

தமிழ்நாட்டின் பிற UNESCO தளங்கள்:

மாமல்லபுரத்தில் உள்ள நினைவுச்சின்னங்கள் - 1994
மாபெரும் வாழும் சோழர் கோயில்கள்:
- தஞ்சைப் பெரிய கோயில் - 1987
- கங்கைகொண்ட சோழபுரம் கோயில், அரியலூர் - 2004
- ஐராவதேஸ்வரர் கோயில், தாராசுரம் - 2004
நீலகிரி மலை ரயில் - 2005
மேற்குத் தொடர்ச்சி மலைகள் - 2012
செஞ்சி கோட்டை - 2025